ما قاله أمير مرتضى منصور أمس، لا يمكن أن يمر بالساهل، ولابد أن يعرفه كل مشجع زملكاوي، خاصة ما قاله بشأن كهربا ودفع الغرامة، كما تحدث عن وزارة الشباب.
إيه اللى قاله أمير مرتضى بالظبط ؟ وازاي النادي الأهلي عرف بصفقات الزمالك اللى كان شغال فيها ؟ .. كل ده واكتر هنعرفه مع بعض ض في الفيديو ده.
ليله امبارح كان فيه مؤتمر كبير لمرتضى منصور وأبنائه في نادي الزمالك، خلال المؤتمر تم الكشف عن كل اللى كان بيحصل مع النادي خلال الفترة اللى فاتت وكواليس الأزمات اللى مر بيها ومهم جداً محبى النادى وعشاقه يعرفوها كويس قوي.
أمير كان مع والده المستشار مرتضى منصور امبارح في مؤتمر نادي الزمالك، وزي ما تقولوا كده المؤتمر ده كان كشف حساب لمرتضى وابنه عن اللى جرى معاهم وعملوه فى النادى الفتره اللى فاتت، اول كلام أمير كان عن صفقة عبد الله السعيد اللى كانوا شغالين فيها سنة 2017 ووقتها وعلى حسب كلامه مكنش حد نهائي يعرف بالصفقة دى وكانوا مجهزين فلوس التعاقد مع اللاعب والأمور تمام التمام لحد ماجت لجنة من وزارة الشباب والرياضة للتفتيش عن أموال النادى ووقتها الوزارة عرفت بصفقة عبد الله وبعدها على طول الخبر وصل للنادى الأهلى، بيلمح يعنى أن معرفة الأهلى بالصفقة جه عن طريق وزارة الشباب.
وبعيداً عن أزمة عبدالله السعيد كان فيه ازمه تانيه في النادي، ازمه خاصه بعقود اللاعبين اللي قال ان عقودهم زادت مره واحده من 13 مليون جنيه إلى 72 مليون جنيه، عقود فرجاني ساسى وبن شرقي اللى الجماهير كانت حباهم جدا لكن ظروف النادي المادية لم تسمح، وظروف النادي دى كانت سيئه كدا عن عمد، جه ما كانت شغاله ضد النادي وبتخرب فيه يعني وعن قصد، بس مقالش بالظبط مين الجهه دي.
وبسبب اللى حصل ده أمير قال لوالده المستشار مرتضى منصور أنه عايز يمشي ويسب النادي بعد مباراة الكأس الشهيرة، لأن اللاعبين كانوا بدأوا يبصوا لبعض في الرواتب والدنيا كانت ماشيه في سكه الخراب، بس والده المستشار مرتضى منصور رفض طلبه وقاله لا لازم نكمل ونفوز بالدوي، اللي هما بالفعل فازوا بيه وقتها، رغم كل العبث الكروي اللى كان بيحصل في الكرة المصرية وقتها، ده على كلام امير يعني، مش كلامنا.
الاكتر من كده واللى زعل امير قوي وحز في نفسيته أنه فيه بعض الجماهير قالت عليه انه بيشرب واترفد من كليه الشرطه وعار على النادى، وهو سكت ومردش يرد احتراماً لنادي الزمالك العظيم اسمه وقيمته، هوا بس طلب لتاني مره من والده أنه يمشى، بس بردوا المستشار مرتضى منصور مارضيش بكده.
وكشف أن اللاعبين بيسألوا بعض وبصوا لبعض في المرتبات.. وكان سبب في تخريب الفريق .
وفي وسط المؤتمر امبارح، أمير انفعل جداً وقال نصا:” مرتضى منصور سخرنا كأننا خدامين في نادي الزمالك.. والدي كان في الحبس وأنا كنت بحضر التدريبات والمباريات ولم اشتكى لكن لكل انسان طاقة، مرتضى منصور عمره ما كان هادي أو كيوت.. الكل عارف طبعه، وهوا كان بيحارب عشان النادى وعمره مادخل في صراع شخصى ومفيش خناقة إلا عشان نادي الزمالك”.
وقصد وزير الشباب والرياضة لما قاله خد بالك نادى الزمالك مش نادى صغير أو نادى شركه، ده نادى ليه تاريخ وتاريخه ده أكبر من مرتضى وغيره، لمح يعني ان وزير الشباب مستقل بنادي الزمالك.
وفي النهاية ختم أمير كلامه بأنه مش عارف يدفع مستحقات أوسوريو المدير الفنى الجديد للنادي، ولو بكره الصبح كابتن كهربا حب يدفع الغرامة اللى عليه للنادى هيلاقي الحساب الخاص بالنادي مقفول.
