أخبار الرياضة

صدمة لمرتضى منصور بعد خروجه من الحبس وحقيقة حرمانه من دخول الزمالك

في الوقت الذي كان يعتقد الناس أن المستشار مرتضى منصور  سعيد بخروجه من الحبس الا أنه وجد صدمة غير متوقعة لان في كلام عن منعه سنين من الترشح لمنصب رئاسة نادي الزمالك، ويمكن ده اللي مخليه مستحلف لبعض المقربين منه.

مين هما المقربين من مرتضى منصور واكتشف عداوتهم ؟ .. وايه حكايه القرار اللى بيتم تجهيزه لمنعه من رئاسة نادى الزمالك ؟ .. كل ده وأكتر هنعرفه مع بعض في الفيديو ده.

الكل واقف على رجليه داخل نادى الزمالك، أخيرا بكره المستشار مرتضى منصور هيطلع من التخشيبة وينور ناديه، الكل فرحان داخل نادى الزمالك، بالتحديد حبايب المستشار مرتضى منصور والقريبين منه، إنما أعداءه فى حالة رعب من اللى هيعمله فيهم.

يقال إن المستشار مرتضى منصور محضر 5 قرارات مهمه جدا، بكر هيروح بيها نادى الزمالك ويعلنها للعامة، وأحنا عندنا تسريبات منها وفقا للى قاله موقع الموقع.

أول حاجه المستشار هيصفى كل القريبين منه، وإبعاد بعض الشخصيات اللى كان متعشم فيهم وخزلوه الفتره اللى فاتت لما كان فى الحبس، كان فاكر انهم هيسندوه ويسندوا النادي في غيابه وللأسف عملوا كل حاجه غلط ضد النادى، وكمان اتكلموا وجابوا سيرته فى الأرض.

القرار التانى اللى هيطلع بيه مرتضى منصور هو تحديد المدرب الجديد للنادي، وده سبق وقلناه هنا قبل كده، وان المستشار مرتضى منصور خلاص قرر يمشى كابتن فيرارا ويجيب واحد تانى مكانه، مين بقى لسه مافيش حاجه اكيده، بس فيه كلام على أحمد حسام ميدو.

القرار الثالث و اللى هيطول كل الجهاز الإدارى لنادى الزمالك، هوا هيكلة قطاع الكرة وتشكيل لجنة جديدة غير اللى فيه.

أما بقى القرار الرابع فهو الإعلان عن العقوبات الموقعة على الفريق بعد الخروج من بطولة إفريقيا الأخيرة، وفيه قرار بقى حلو هيفرح كل العاملين فى نادى الزمالك، وهى مكافأة خاصة للعمال بالنادى والموظفين فيه.

وكل ده هيتم طبعا داخل نادى الزمالك، واللى العمال فيه دلوقتى شغالين تظبيط وتهيئة الوضع داخل النادى من فرش وإضاءة وخلافه، وكمان عاملين عزومة داخل النادى على شرف المستشار مرتضى منصور.

الغريب بقى في حكاية مرتضى منصور دى أنه أصلا مش هيكون معترف بيه رئيساً للنادى الزمالك بعد خروجه من الحبس، لأن على حسب روايه موقع الموقع بردوا فا وزارة الشباب والرياضة لن تعترف بمرتضى منصور كونه رئيسًا للنادي في أي تعاملات رسمية، لحد ما يتم فتح باب الانتخابات على مقعد رئيس النادى في يوليو اللى جاى.

وعن إمكانية ترشيح مرتضى منصور فيها من عدمه، وضح مصدر قريب من النادى، أن الأمر فيه كلام لحد دلوقتى، لأن حتى الآن لم يتم حسم الأمر، وفيه شواهد أن قرار بيتهجز لمنع مرتضى منصور من الترشح اصلا لانتخابات نادى الزمالك لمده 5 سنين، هيكون مسموح ليه فقط بالتعامل كاعضو عادى داخل النادى.

لحد هنا ونكون وصلنا لنهايه الفيديو، وقبل ما نقفل حابين نسألكم تتوقعوا مرتضى منصور هيعمل إيه بكره بعد مايطلع من الحبس.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى