لا حديث في الوقت الحالي إلا عن عامل النظافة والواقعة التي حدثت في كشري التحرير وإهانته بطريقة صعبة وطرده من المحل.لكن يبدو أنه يوجد العديد من المفاجآت في هذه الواقعة، فخلال الساعات الماضية ظهروا زملاء عامل النظافة لكي يكذبوا روايته كلها ويقولوا أنه يفتعل المشكلات، فما الذي حدث وما قصة إقالته من العمل بسبب الممنوعات؟ هذا ما نتعرف عليه من خلال التقرير التالي:
أثارت واقعة عامل النظافة وطرده من محل كشري التحرير حالة كبيرة من الجدل في الرأي العام وسط تعاطف قوي جدا معاه لدرجة أن العديد من المشاهير طلعوا وقابلوه وحالوا يوفروا له شغل.
فمثلا الفنان أحمد العوضي عزمه على أكلة سمك في مطعم شهير وكمان وفر له شغلانة سائق نقل في المطعم.. في حين أن فيه محل ملابس اداله لبس الشتاء كله.. مش بس كده ده وصلت الدرجة أن المذيعة مي حلمي هتعزمه على رحلة لدبي.
لكن رغم كل ده إلا أن الواقعة ظهر ليها جانب مختلف غير طرده من كشري التحرير.. وده اللي قاله زمايله اللي كانوا بيشتغلوا معاه في النظافة في الشارع وفي المحلات.
زملاء عامل النظافة اللي طلعوا في أحد الفيديوهات عشان يكشفوا عن مفاجآت كبيرة وهي إنه أصلا بيقولوا عليه بتاع مشاكل وليه دايما فى الخناق.
مش بس كده لكنه كمان طلع غير ملتزم وأنه اتفصل من شغله من الشركة من حوالي 3 شهور بسبب أنه كان بيتعاطى الممنوعات ولكنه رغم كده مرضيش سلم اليونيفورم وكمل شغل بسبب اللي بياخده من أصحاب المحلات حتى لو المرتب اتوقف.
أما عن واقعة كشري التحرير.. فزمايل عامل النظافة قالوا إنه كان متعمد الخناق وكان بيدخل كل شوية يرمي الحاجات على الأرض ويقول أنا عايز حد يتكلم معايا.. مش بس كده لكنه كمان اتعمد أنه يعمل مشكلة في المحل ولما حصل الخلاف بينه وبين الناس في المطعم طلع بعدها المدير بنفسه واعتذر له وباس على دماغه.
زملاء عامل النظافة قالوا إنه كذب في كلام كتير من اللي قالوا عن المحل وأن المطعم أوقات كتير كان بيديهم أكل ببلاش لكنهم مش عارفين زميلهم عمل كده ليه.
كلام زملاء عامل النظافة أثار حالة من الجدل بين ناس شايفة أنهم زملاء عامل الناقة ممكن يكونوا على حق وأن أصلا الواقعة مشكوك فيها في الوقت اللي محدش عارف ده حصل إزاي أو إيه ملابسات الواقعة وإنه خدع كل الناس ومنهم الفنان أحمد العوضي.. لكن في ناس شايفة برضوا أنهم بيعملوا كده غيره من زميلهم واللي حصله وإزاي الناس بتتسابق عشان تقدم له الحاجات وتوفره شغل ومميزات تانية كتير مش قادرين هما ياخدوها.
شاركنا وقولنا أنت إيه رأيك في اللي حصل؟
