رجال دخلوا حياة أنغام من الباب الخلفي ومخاوف تراود جمهورها

السوشال ميديا ليس لها حديث الآن غير على أنغام وحكاية ززاجها للمرة الخامسة وعلى نعرف كيف سينتهي الموضوع؟ وعشان العريس اللي بيتكلموا عنه ثري خليجي فجمهور أنغام خايف عليها جداً بس في ناس بيتمنوا ليها الخير وتتجوز عادي عشان توقعوا إن مكسبها المادي من الجوازة دي هيعديها الحدود وهتتنقل نقلة تانية خالص، وفي الفيديو ده هتعرفوا معايا مين هما الرجالة اللي دخلوا حياة أنغام من الباب الخلفي؟، وياترى جمهور أنغام خايف عليها ليه؟.

جمالها مساعدها

أنغام ست مرغوبة رغم إنها عدت الخمسين بس جمالها مساعدها يخليها في عيون رجالة كتير الأحلى وطبعاً ده اللي خلاها تتجوز 4 مرات ومفيش مانع تتجوز خامس وسادس كمان وهي عندها مقومات الست اللي تكمل حياتها وفيها رجالة عادي، ودلوقتي محدش ليه سيرة غير ارتباطها للمرة الخامسة والكل مستني إعلان رسمي منها بس هي مش مريحة حد وقافلة البابه خالص ومش عاوزة ترد على اللي بيحصل رغم إنها ردت على كلام من النوع ده قبل كده.

الباب الخلفي

من حوالي سنة كده أنغام كانت في حفلة في الكويت واتردد وقتها شائعة عن جوازها من الفنان حسين فهمي، وأنغام استغلت الحفل ده لصالحها وردت على الجوازة دي وقالت إنها قعدت تضحك كتير لما سمعت باللي الناس بتقوله وطبعاً دي شائعة ملهاش أساس من الصحة، وكمان حسين فهمى نفى اللي اتقال عن ارتباطه بالنجمة أنغام ووقتها كان بيحضر مهرجان الأقصر للسينما الأفريقية.

مش بس حسين فهمي اللي اتقال إنه هيتجوزها، ده أنغام ماركة مسجلة في الشائعات ومحدش هينسى جوازتها العرفي من الفنان أحمد عز، ووقتها عز دخل من الباب الخلفي وبموافقتها.

وهي عملت كده عشان حضانة ابنها من الموزع الموسيقي الكويتي فهد الشلبي ووقتها نفت أنغام الشائعة وقالت إنها اتجوزت من أحمد عز بعقد رسمي ومسجل، بس هي مقالتش لحد عشان تحافظ على حضانة ابنها، ووقتها محدش عرف الجوازة دي غير بعد ما انتهت وكان عز أزمته مع زينة وعياله منها اتعرفت، بس كل ده كوم وحكايتها مع الثري الخليجي كوم تاني وبردوا الكلام على إنه داخل من الباب الخلفي بردوا.

قصة حب

دلوقتي محدش ليه سيرة غير إن أنغام عايشة قصة حب جديدة وده واضح من إطلالاتها والأغاني اللي بتقدمها وشكلها في الحفلات يعني مليانة وكله تحت السيطرة، بس الكلام عن القصة دي لسه مفيش تأكد منه لأن أنغام معترفتش والكلام داير على إن حبيبها الجديد ثري خليجي وهتعيش في نغنغة والحياة هتبقى عال العال، بس الجمهور خايف عليها من القصة دي ورابطين بينها وبين آمال ماهر لما اتقال من فترة إنها متجوزة ثري خليجي وهو السبب وراء اختفائها وإن اللي بيحصلها ده كتير، وخوف الجمهور على أنغام جاي من إنها ممكن تختفي من الساحة ويحصلها زي اللي حصل لآمال.

بس في فريق من الجمهور قال إن آمال ماهر مش ضحية ومحدش يخاف هي بس كانت عايزة كل حاجة وعملت اتفاق وصفقة وبعدين تراجعت بس هي كسبت فلوس تحل أزمة مصر كلها، بس محدش يفتكر إن أنغام بتكرر نفس غلطة حد، وهى لما اتجوزت أحمد عز علاقتهم كانت زى زينة قبل ما الموضوع يتعرف، وعامة الست بتحب تتجوز وتنبسط وأنغام هتعمل ده بس هتكسب فلوس كمان.

تفتكروا بقى أنغام هتكمل في اللي الجمهور بيتوقعه ده ولا كل اللي بيتقال ده من خيال الجمهور، ومفيش جوازة ولا غيره؟ اكتبولنا آرائكم في الكومنتات.