آخر الأخبار

فنانة شهيرة تروي تفاصيل حياتها الشخصية من خلال «رسالة صادمة»

حياة قاسية عانت منها الفنانة الشابة إيناس عزالدين، وذلك على خلفية وفاة ابناءها التوأم، لتصد جمهورها بعد ذلك بنبأ انفصالها عن زوجها أحمد قمر.

ومن خلال رسالة مطولة نشرتها إيناس عزالدين عبر حسابها على موقع التواصل الاجتماعي «فايسبوك» قالت: «بعلن انفصالي عن زوجي أحمد قمر بكل حب وود واحترام وتقدير، ممكن نكون اختلفنا كأزواج أننا نكمل مع بعض أو النصيب وقف لحد كده بس هيفضل صديق عمري كله».

وأضافت نجمة برنامج اكتشاف المواهب «أراب جوت تالنت»: «بتمنى لك كل خير وكل سعادة ونجاح يا أحمد يا أنضف إنسان عرفته في حياتي»، وتابعت: «كله قسمة ونصيب، معلومة دي مش كدبة إبريل ولا ده خبر هزار».

وأكملت رسالتها: «هو ليه الناس مش متقبلة فكرة اننا انفصلنا واحنا بنحترم بعض وبنحب بعض وشايلين لبعض الخير والتقدير واننا اختلفنا كزوجين واكيد القرار ده ما اخدناهوش وليد اللحظة، وقبل ما نعلنه اتناقشنا كتير وقررنا ننفصل بالمعروف واحنا شايلين وفاكرين لبعض كل حاجة حلوة»، مؤكدة انه «مش لازم نذم في بعض ونغلط في بعض وكل واحد فينا يقول التاني كان مطلع عينه علشان الناس تتقبل فكرة انفصالنا».

وأضافت: «إحنا اختلفنا وصعب نكمل كزوجين بس مستحيل نبطل اننا نفضل في حياة بعض كأصدقاء لاننا طول عمرنا كنا اصدقاء حتى واحنا متجوزين والعشرة مش بتهون بالساهل ومش معنى اننا اختلفنا وانفصلنا كأزواج اننا نكره بعض ونغلط في بعض وما نشوفش بعض ونعادي بعض، احنا هنفضل اهل غصب عن اي شيء وبنكن لبعض كل حب واحترام وتقدير».

أحمد عز الدين

صحفى مصرى عملت بالعديد بالمواقع والصحف المصرية والعربية ، بحب الكتابه وعمري ما اعتبرت انه مجرد شغلانه بتقبض عليها فلوس اخر الشهر.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى