صرح الرئيس عبد الفتاح السيسي ، خلال كلمته في جلسة «بناء قادة المستقبل» ضمن فعاليات اليوم الثالث لمنتدى شباب العالم، بمدينة شرم الشيخ، أن مصر في حاجة ضرورية لتوفير 250 ألف فصل دراسي بتكلفة تقدر بـ130 مليار جنيه.
وأشار الرئيس إلى أن الكثافة الطلابية تزيد بمعدل 700 ألف طالب وطالبة كل عام، وتابع قائلًا: «التحدي ده تحدي كبير، لكن الأكبر منه في تقديري إزاي هتتم عملية التشغيل، وأنا بقولكم إنتوا يا مصريين قولولي أعمل إيه، ده في قطاع واحد؟»
وأضاف الرئيس السيسي: «التحدي لازم نكمله للنهاية والقضية لازم نحلها بجد، ونشوف حل ونعمل الفصول، ونوفر الـ130 مليار جنيه»، وأكمل حديثه قائلًا: «أقول كلام صعب خصموا للوزارات كلها، وأقول الأصعب مش هنطلع علاوة سنوية للموظفين السنة دي»
وأستكمل: «خلوا بالكم من بلادكم البلاد مش بتتبني كده، البلاد بتتبني بالمعاناة وبالآسية».
وكان الرئيس قد تطرق لمشكلة زيادة وزن طلاب الجامعات والمدارس المصرية قائلًا: «ادمجوا ثقافة إن الإنسان ياخد باله من نفسه، مش هينفع يبقى وزنه زايد وهو قبل الـ30، لازم يبقى فيه انطباع جيد من خلال المظهر، الوزن الزايد معناه إن مفيش لياقة».
وتحدث عن مشكلة انتشار التوكتوك بصورة كبيرة للغاية في مصر قائلًا: «التوك توك عمل مشكلة كبيرة في بلدنا، النهارده الناس بتتحرك 100 متر جوا الحي بتاعها بالتوك توك، المفروض تمشوا يا جماعة، بس لو حد صحته مافيهاش مفيش مشكلة».
وتابع الرئيس عبد الفتاح السيسي حديثه قائلًا: «الأمة ذات الشأن، بتفتش في نفسها بكل شيء: كلمة، لفظ، سلوك، وزن، علشان نحط نفسنا بين دول العالم»
