خدمات المواطنين

طريقة إضافة الأبناء على بطاقة التموين أون لاين

مع بداية السنة الجديدة مصريين كثيرون يسألوا عن إضافة المواليد على بطاقة التموين، ويشغل بالهم أن يعرفوا الشروط اللازمة للإضافة، وكيف يستخدموا موقع دعم مصر ويستفادوا من الخدمات الكثيرة المتوفرة عليه.

في التقرير التالي هنجاوبك على كل التفاصيل الخاصة بإضافة المواليد على بطاقة التموين سواء عن طريق المكاتب التموينية أو عن طريق موقع دعم مصر بشكل سهل وبسيط:

في البداية لازم تعرف إن وزارة التموين، قدمت خدمات كتيرة خاصة بـ البطاقة التموينية، واللي تقدر تحصل عليها من المكاتب التموينية المتطورة واللي اتحولت لـ مراكز خدمة في كل المحافظات، أو عن طريق إنك تدخل على المنصة الإلكترونية بوابة مصر الرقمية وتختار الخدمة اللي انت عايزها وتنفذها بطرق بسيطة.

يعني إنت دلوقتي تقدر تضيف ولادك على بطاقة التموين وده عن طريق الدخول على موقع دعم مصر، لكن لازم تمشي على خطوات التسجيل خطوة خطوة.

طب وإيه هي خطوات اضافة المواليد؟

  • في الأول هتدخل على موقع دعم مصر وبعدين هتدخل رقم البطاقة التموينية .
  • بعد كدا هتضغط على فتح حساب جديد.
  • وبعدين تختار خدمة خدمات التموين.
  • بعد كدة تكتب الاسم الأول للأم “الوالدة”
  • هتظهرلك أيقونه هتختار إضافة أفراد أسرتي غير المقيدين في بطاقة التموين.
  • وبعد الخطوة دي تقدر تكتب اسم المولود سواء «طفل أو طفلة» الأسم اللي انت عايز تضيفه بشرط يكون رباعي.
  • بعدها هتدخل الرقم القومي الخاص الموجود بشهادة الميلاد، عشان تقدر تنهي خطوة إضافة المواليد لـ بطاقة التموين.
  • بعد كدا هتختار صلة قرابة المولود والصفة في أيقونة اسمها ضم الأبناء.
  • وأخر خطوة هتضغط على “إضافة”، وبكده تكون عملت كل الخطوات اللي هتساعدك تضيف ولادك.

لكن لازم تعرف إن في شروط محددة لإضافة المواليد على بطاقة التموين، منها مثلا إنه يكون الحد الأقصى لبطاقة التموين 4 أفراد، وهم: زوج وزوجة و2 من الأبناء.

وممكن تكون البطاقة التموينية لـ 3 أفراد بس، ووقتها تقدر تضيف فرد تاني بشرط أنك تكون الأسرة من الأولى بالرعاية.ولازم يكون المعاش الشهري لو انت على المعاش يقل عن 2500 جنيه.

لازم كمان يكون الحد الأدنى للدخل الشهري لصاحب بطاقة التموين يكون أقل من 3 آلاف جنيه. كمان لازم تعرف إن وزارة التموين قالت إنه من حق المواطن إنه يقوم بإدخال طلب واحد لاضافة المواليد والأشخاص الموجودين على بطاقة التموين، وخلي بالك في حالة لو قدمت أكتر من طلب هيتم حذف جميع الطلبات.

ولو شايف إنك مش هتعرف تقدم الطلب على الموقع تقدر دلوقتي تتوجه لمكتب التموين التابع ليك وتقدم الطلب هناك فورًا.

لكن لو رحت المكتب في مستندات لازم تكون معاك زي :

  • صورة البطاقة لرب الأسرة.
  • وصورة بطاقة التموين.
  • وصورة بطاقة الرقم القومي أو شهادات الميلاد للافراد الموجودة على بطاقة التموين.
  • وصورة بطاقة الرقم القومي أو شهادات الميلاد للمواليد المطلوب إضافتهم.
  • وصورة من كارت معاش تكافل وكرامة، أو كارت الخدمات المتكاملة، أو كارت معاش التضامن الاجتماعي.
  • وفي حالة الوفاة لازم يكون متوفر مستند يثبت استشهاد الأب.
  • واستمارة أداء الخدمة وإقرار بيانات من مكتب التموين.

قولنا رأيك في جهود الدولة لدعم الفئات الأكثر احتياجًا؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى