حذرت النيابة العامة في الكويتة من تطبيق إلكتروني شهر بتم استخدامه في الكويت وبستغل المستخدمين في عمليات نصب واحتيال بطريقة كبيرة.
النيابة قالت أنها تلقت أكثر من 300 بلاغ بسبب الاحتيال من هذا التطبيق، فما هو هذا التطبيق ده؟ وما علاقته بالنصب؟ ولماذا كان التحذير للمصريين بالأخص؟.. تفاصيل كثيرة نكشفها في التقرير التالي:
في الوقت اللي بتحصل فيه عمليات النصب واللي انتقلت إلى أنها هتكون عبارة عن احتيال إلكتروني على التليفون، وفي الإطار ده حذرت النيابة العامة الكويتية من تطبيق للنصب بيستخدم في الاحتيال الإلكتروني من خلال التليفونات.
النيابة العامة الكويتية قالت إنها بدأت في التحقيق في عمليات النصب في اللي بيحصل في التطبيق الشهير اللي بيستخدمه فئة كبيرة في الكويت بعد تلقيها 300 شكوى من 300 شخص بالنصب عليهم في التطبيق ده، وقالت بالنص عبر حسابها على تويتر: “تلقت النيابة العامة في الآونة الأخيرة عددا كبيرا من الشكاوى تجاوزت 300 شكوى تعرض مقدميها للنصب والاحتيال الإلكتروني من قبل تنظيم عصابي.
طيب إيه هو التطبيق ده؟
وفقًا للي كشفته النيابة أن البرنامج اسمه (AnyDesk) وده اللي بيستخدم في الأموال وسحبها من البنك، لأن هو معمول من عصابة بتوهم الضحايا باستثمار أموالهم وعامل إعلانات على السوشيال ميديا لتحميل التطبيق عشان تستثمر أموالك في مجالات مختلفة وأنت قاعد في مكانك بدون أي تعب أو جهد.
النيابة العامة قالت إن التطبيق بعد ما بتحمله تدخل حساباتك البنكية عشان تستثمر حتى لو مبلغ صغير بيقدر يدخل على حساباتك البنكي ويحول اللي فيه من فلوس ويستولوا عليها والمستخدم مش عارف إيه اللي بيحصل؟
طيب إيه علاقة ده بالمصريين في الكويت؟
الغريب اللي كشفته التحقيقات أن أغلب المستخدمين في التطبيق ده كانوا من المصريين في الكويت واللي حابين يستثمروا فلوسهم خاصة أن البرنامج كان له بعض الأشخاص اللي بيعملوا له دعاية.. كمان بجانب بعض المواطنين والمقيمين من الجنسيات الأخرى.. عشان كده وجهت النيابة العامة تحذير عاجل من التطبيق ده.
وطلبت النيابة العامة الكويتية مش بس المصريين في الكويت ولكن لكل المواطنين والمقيمين بعدم الاستجابة لطلبات التحقيقا واللي بتطلب بيانات بنكية لأنها بتكون في منتهي الخطورة على أموال الناس من خلال التحكم في الحسابات البنكية للحصول على الفلوس.
في نفس الوقت قالت صحيفة “الرأي” الكويتية، أن الرسوم الجديدة اللي أصدرتها وزارة الصحة على رسوم الخدمات الطبية هتكون كلها متعلقة بالخدمات الصحية التي تقدم للوافدين في المستوصفات وطوارئ المستشفيات والعيادات الخارجية، عشان كده أصدر وزير الصحة الكويتي أحمد العوضي، قرار وزايً بتحصيل رسوم إضافية عند صرف أي حاجة من الخدمات الصحية لغير الكويتيين والمسجلين في نظام الضمان الصحي.
