الفنان أمير كرارة موعود، كل مسلسل رمضاني له حدث به مشكلات بسبب مرات المخرج، بالطبع تتذكرون أزمة مسلسل نسل الأغراب، تمررت الأزمة مرة أخرى في مسلسه الجديد بسبب زوجة مخرج أيضا، تابعونا من خلال التقرير التالي لمعرفة التفاصيل:
الفنان أمير كرارة مركز جدا دلوقتي في تصوير مسلسله الجديد اللي المفروض هيتعرض في رمضان اللي جاي واسمه سوق الكانتو ولأول مرة من فترة طويلة هيتحول من الضابط اللي بينفذ القانون للبلطجي اللي له قانون لوحده
أمير كرارة بيحاول يرجع تاني يسيطر على دراما رمضان بعد ما كان كلبش نمبر وان على مدار كذا سنة بس للأسف التجارب اللي بعد كده مجابتش معاه أوي.
كلنا فاكرين طبعا مسلسل نسل الأغراب والي حصل فيه، المخرج محمد سامي كان مطبق على فيلم خيال علمي وحب يجرب كل حاجه فيه بس المنطقة الوحيدة اللي ميقدرش يقرب منها هي إنه بيدي مراته مي عمر مساحات أكبر من اللي مكتوبة في السيناريو.
وده طبعا بيزعل الفنانين منه وبيأثر على نجاح المسلسل، وده كان من أهم أسباب إن نسل الأغراب اللي كان بطولة أمير كرارة وأحمد السقا يتقال عليه كلام كتير سلبي، وبرضه طلع منه فنانين وخصوصا فنانات يشتكوا إنه مي عمر اتجاملت على حسابهم
طب ده ايه علاقته بـ سوق الكانتو؟ هقولكم المسلسل الجديد للفنان أمير كرارة من تأليف هاني سرحان وإخراج حسين المنباوي، والاتنين معروفين يعني إن مسلسلاتهم بتنجح والكيمياء بينهم متظبطة على الآخر
بس زي ما الأسطورة بتقول مفيش حلو بيكمل للآخر وقع المحظور بينهم وفي خلاف كبير جدا وصل إن المؤلف هاني سرحان كان بيهدد يسيب المسلسل ويمشي
وده لإن حسين المنباوي جابه وعزمه على العشا الجميل وحاول يقنعه إن يزود مساحة الدور بتاعة مراته “مها نصار” يعني يبقى معاها في المسلسل مي عز الدين وسلوى عثماء وثراء جبيل وعاوزة تبقى هي البطلة واللي مشاهدها أكبر
طبعا هاني سرحان معجبهوش الكلام ده.. أه صحيح مها نصار ممثلة شاطرة وناس كتير أشادت بيها في الفتوة والاختيار وكذ دور تاني ظهرت فيهم.. إنما برضه هي مش مي عز الدين.. ولا حتى مي عمر
طبعا أمير كرارة وحتى مي عز الدين ملهمش علاقة بالقصة دي لا من بعيد ولا من قريب.. وغالبا هيبقوا أول مرة يسمعوا عنها من الفيديو بتاعنا ده.. بس لو عرفوا هيبقى ليهم كلام تاني.. خصوصا أمير كرارة اللي مش هيسمح إن مسلسل تاني له يبوظ بسبب لعب المخرجين والمؤلفين وكلام الستات
المشكلة لسه مخلصتش وبتحاول جهات الإنتاج تدخل فيها وتفك التشابك بين المؤلف والمخرج.. وإلا محدش عارف هيحصلهم ايه.
