كشفت المطربة أنغام عن أزمتها المرضية وأصعب اللحظات التي مرت عليها الفترة الماضية، وذلك خلال مداخلتها الهاتفية مع الإعلامية لميس الحديدي في برنامج “كلمة أخيرة”.
وقالت أنغام: “دعاء الناس كان ليه اثر والناس اللي كانت بتصليلي في الكنائس وبيولعولي شموع والأمهات اللي كانت بتسأل عليا من غير ده مكنتش هوصل للي أنا فيه.”
«بخاف أنام».. تصريحات صادمة من أنغام بعد خروجها من المستشفى
وأضافت: ” كان فيه لحظة عدت عليا كنت بخاف اروح في النوم ومتنفسش لان كان نفسي سئ جدا، وكنت بتوه وبيجيلي أحلام وكوابيس كنت بروح في حتة مروحتهاش قبل كدة.”
وعن أصعب لحظة مرت عليها، قالت أنغام: ” اللحظة اللي كان فيها دكتور بيقول لازم نفتح بطنها ثاني نعمل استكشاف وفي دكتور بيقول لاء مش هنفتح وهنتصرف بطريقه تانية”.
وتابعت: “ولحد قبل أخر يوم كان متركبلي خرطوم من مناخيري للأمعاء وكانوا الدكاترة بيدخلوا يقولوا الصبر وفي 7 يوم في الخراطيم كنت بعيط وببكي وجت حاجة من عند ربنا كدة ان الخراطيم تتشال.”
