فن و مشاهير

تزوجت في عمر الـ 15 وتخلت عن ابنتها لسبب غريب..أسرار مفاجأة عن هيفاء وهبى

لما تسمع عن أمْ عادية تركت أبنائها لكي تعيش حياتها ووتفعل ما تريده لا تستغرب، فالمشاهير أيضا بعضهم فعل هذا الأمر ومن ضمنهم الفنانة هيفاء وهبى.

هيفاء وهبي اللي بدأت حياتها بالكذب عشان تتشهر بس ربنا منصفهاش.. وعشان تكمل في حياة الشهرة والنجومية سابت بنتها وعاشت لنفسها وأكيد هي ندمانة على عملتها السودة دي دلوقتي.. بس إيه بقى عملتها الخايبة اللي جوزها قفشها فيها وإيه العلاقات الفشنك اللي وقعت فيها مع رجالة.. بلا بينا نعرف مع بعض في الفيديو ده كل الكواليس والأسرار في حياة الحسناء هيفاء وهبي.

طبعًا اللي يشوف هيفاء وهبي وجمالها بيبقى مغرم بيها ومش بعيد يتمناها فتاة أحلامه كمان وده حقيقي اللي خلى أحمد أبو هشيمة نفسه اتشهر على حسها والناس عرفته بعد ما اتجوزها واسمه بقى نمبر وان كمان.. لكن إن هيفاء وهبي تبقى زيرو أمومة كده ده اللي محدش توقعه منها لكن ربنا مسبهاش كده واللي بيبدأ حياته وهو بيكذب لازم ياخد جزاؤه طبعًا كل واحد ليه قصته والكواليس والحكايات اللي تخليه يعمل كده بس الأكيد إن اللي بيسيب ولاده اللي هما مسؤولية كبيرة أكيد بيندم بعد كده.. وعشان كده تلاقي حياة هيفاء وهبي فيها شهرة ونجومية وحققت نجاحات لكن هي فين من حياتها الخاصة وحققت إيه.. حقولكم.

ابنة وحيدة وصورة

هيفاء وهبي ليها بنت وحيدة اسمها زينب نصر فيّاض.. ودي كبرت واتجوزت ومتفاعلة على السوشال ميديا وخلت أمها هيفاء بقت جدة كمان بعد ما خلفت بنتين هما رهف ودانييلا.. وطبعًا البنت دي كانت نتيجة جوزاة هيفاء وهبي وهي صغيرة من ابن عمتها نصر فيّاض وكان هيفاء عندها في حدود 15 سنة كده.. وللأسف بقى حصل انفصال وبنتها لسه طفلة لدرجة إن ملهمش غير صورة واحدة مع بعض وقتها كانت هيفاء بتحضنها.. وبعدت البنت عن أمها عشان مرضيتش تضحي عشانها.. طيب إيه القصة؟.

الكذب ملوش رجلين

هيفاء وهبي من أشهر نجمات جيلها وطبعًا عندها أناقة وجمال بس هيفاء وهبي عندها 18 سنة كده خدت ملكة جمال جنوب لبنان وفي السنة اللي بعدها بقت ملكة جمال لبنان كلها بس اللقب اتسحب منها وده عشان هي خالفت قوانين المسابقة بعد ما اكتشفوا إنها متجوزة وأمْ كمان أصل المسابقة كان فيها شرط إن اللي تتقدم للقب متكونش متجوزة.

لكن الكدب ملوش رجلين ولما بدأت حياة الشهرة بالكذب كده حياتها باظت وجوزها اللي خلفت منه كان رجل أعمال وبيسافر كتير وبعد هيفاء ما بقت حامل نقلت حياتها عشان تعيش مع جوزها في أدغال أفريقيا بسبب طبيعة شغله اللي مليان سفر بس هي رجعت للبنان وخلفت بنتها في بيروت.. لكن حياة الشهرة والنجومية دايمًا على بالها ومش مبطلة تفكير فيها.

رفضت التضحية

هيفاء وهبي بدأت الشهرة بدري وهي صغيرة جتلها عروض إعلانات وتصوير كليبات أغاني على كام عرض تمثيل منهم واحد في أغنية جورج وسوف “كلام الناس”، والتاني مع عاصي الحلاني واسمه “يا ميما”، والأضواء لهفت هيفاء وهبي واتمردت على عيشتها المستقرة.

جوزها نصر فيّاض حطها بين نارين يا تكمل في الجوازة وتستقر يا تروح للتمثيل والموديلنج واختارت الأضواء وسابت عش الزوجية وسابت كمان بنتها زينب.ز أصل كان لازم تدفع التمن غالي وجوزها خلاها مضت على أوراق التنازل عن حضانة بنتها وحقوقها فيها واكتشفت بعد كده إن من ضمن الشروط إنها متشوفش بنتها خالص وده بقى سبب المقاطعة اللي بينها وبين بنتها اللي مش عارفة تعديلها اللي حصل ده خالص.

قصة عملتها الخايبة

هيفاء وهبي كملت حياتها في الأضواء والشهرة ومكانتش بتتكلم عن بنتها لحد سنة 1998 وكانت في مقابلة مع الإعلامي طوني خليفة وسألها عن بنتها اللي مش بتشوفها من 5 سنين قعدت تعيط وطلبت تقطع البرنامج وده كان أكبر دليل على ندمها على عملتها السودة.

بس عملتها الخايبة التانية اتقفشت هي كمان ووقتها الصحف اللبنانية قالت إن هيفاء بعتت مصور على مدرسة بنتها عشان يصورها ويبقى معاها سيشن لبنتها وهي رايحة المدرسة بس أهل جوزها نصر فيّاض عرفوا أصلهم من عيلة واحدة يعني حافظين بعض.. وهوب كسّروا الكاميرا بتاعة المصور وهيفاء زعلت بس وقتها عرفت إن أسرة جوزها بالبلدي كده ميئوس منهم وحاطين إيديهم على البنت كويس وبقى صعب توصل لبنتها.

علاقات فشنك

هيفاء وهبي اتجوزت مرة من نصر فيّاض زي ما قولنا وكمان كان ليها جوازة من رجل الأعمال المصري أحمد أبو هشيمة وقعدت معاه 4 سنين والمفاجأة أنه قالوا إن سبب الانفصال أنها المرة الوحيدة الي كانت عايزة تخلف فيها كانت من أبوهشيمة لكنه رفض.. بذات أنه عنده أولاد وشايف أنها مش فاضية تكون أم متفرغة ليهم.

كمان في علاقات فشنك ارتبطت باسم هيفاء وهبي زي الزعيم مقتدى الصدر واتقال وقتها تصريحات على لسان هيفاء وهبي إن ده هو الراجل الوحيد اللي قلبها بيدق ليه عشان حكمته وعقله.. كمان مدير أعمالها المصري محمد وزيري طلع في 2017 وقال إنه اتجوزها وده بعد ما حصل بينهم مشكلة وسجنته ووقتها نفت إنها اتجوزته.

كمان ارتبط اسمها بالثري الإماراتي الفنان عبدالله بالخير واللي قال في تصريحات ليه إنه اتجوز هيفاء وهبي لكن عشان مقدرش يقاوم جمالها انفصل عنها والموضوع انتهى وقالت وقتها إن اللي بيحصل ده مسخرة وعيب وكفاية كده.. كمان ارتبطت اسم هيفاء وهبي بعلاقة خطوبة مع رجل الأعمال والثري السعودي طارق جفالي واتقال وقتها إن في ضغوط حصلت من عيلته وقرر إنه يفسخ الخطوبة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى