فن و مشاهير

قصة المطربة العراقية رحمة رياض ولماذا تبرأ شقيقها منها؟

مشاكل النجوم الشخصية دائما تثير فضول جمهورهم ، سواء زواج او طلاق أو مشاكل عائلية، دائما تجد حياة المشاهيرة مادة يتدخل فيها معظم الجمهور، إلا نسبة قليلة من المشاهير يجعلون حياتهم الشخصية خط أحمرولا يتحدثوا عنها في العلن.

من اخر خناقات الوسط الفني واللي تعتبر شخصية لكن اتعلن عنها بشكل صريح ، كانت ازمة المطربة العراقية رحمة رياض مع اخوها ، واللي اتبرى منها من فترة ، لكن هي من كام ساعة اعلنت انها مسمحاه .. تعالوا نشوف ايه الحكاية دي

من فترة طويلة طلع اخو رحمة رياض في فيديو على السوشيال ميديا وهاجم اخته المطربة بشكل كبير وقال انه متبري منها ومش عايز يعرفها تاني ،، طبعا دي حاجة قاسية على اي شخص انه يسمع الكلام ده من اخوه لحمه ودمه هما حصل بينهم ، وكمااان على الملأ قدام الكل ، ويسمح للناس تتدخل في حياتهم بالشكل ده

لكن بعد فترة راجع اخو رحمة رياض نفسه واعتذرلها عن اللي قاله ، والجديد في الموضوع ان رحمة كانت ضيفة في برنامج تليفزيوني من كام ساعة ، والمذيعة سألتها عن قصتها مع اخوها وعن ردها لما اتبرى منها

وكانت المفاجآة أن رحمة رياض قالت انها مسمحاه ، واتكلمت شوية عن الموضوع وقالت : انا عذرته وسامحته لانه عايش بمجتمع صعب ، مجتمعنا العراقي بيرفض حرية المرأة المطلقة ، ولما شوفت الفيديو اللي اتبرى مني فيه حسيت بالقهر والحزن من كلامه عليا ، لكن انا سامحته لما اعتذرلي وهما حصل هيفضل اخويا وسندي وهيقف جنبي لو احتاجته ”

كمان قالت رحمة : من كل قلبي غفرت له وسامحته لأني عارفة مدى صدق اعتذاره ، وانا مقدرة الظروف والمجتمع اللي عايش فيه ، عشان بينتقدوا ويعايرون الناس بقرايبهم ومشاكلهم ..

ده كان رد رحمة وموقفها ناحية اخوها .. موقف انساني وهي قدرت انه غلط واعترف بغلطه واعتذر وسامحته قدام كل الناس وفتحت معاه صفحة جديدة

اما بقى عن رحمة رياض ، فهي مطربة عراقية ، وبدأت مشوارها الفني سنة 2004 من برنامج سوبر ستار كان عندها 17 سنة ، وفي سنة 2010 بقى دخلت برنامج ستار اكاديمي اللي كسر الدنيا وقتها ، وده كان سبب شهرتها وانطلاقتها الفنية ووصلت للمركز التااااني.

وبدأت رحمة تقدم اغاني كتير مختلفة، وفي سنة 2018 حققت شهرة وجماهيرية واسعة بفضل أغنية “وعد مني” اللي حققت ملايين المشاهدات، وبعدها بقت رحمة رياض واحدة من أشهر نجوم الغناء في الوطن العربي وشاركت في حفل كاس العالم 2022.

وسنة 2021 اتجوزت رحمة رياض الممثل العراقي الأمريكي ألكسندر علوم وجمعتهم قصة حب ، ومن شهرين اتعرضت رحمة لأزمة صحية اتسببت لها في اجهاض طفلها بعد ما وصلت للشهر الرابع ، وده حصل خلال وجودها في تركيا ودخلت مستشفى هناك لحد ما تعافت.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى