لكل سلطان حاشية، ولكل أولاد سلطان ناس قريبة منهم تريد أن تأخذ أيشئ، ومثل ما كان لمبارك حاشية من الفنانين، أولاده كان لديهم معجبات كثير، من هما معجبات جمال وعلاء مبارك؟، وكيف رفضت سوزان مبارك هذه العلاقات ؟
دايما كانت القوة الناعمة وفنانات مصر على علاقة كبيرة برؤسائها، وبالأخص اللي كانوا بيشكروا فيهم وبيدعموهم، ويمكن الرئيس مبارك كان عنده فريق كبير من الفنانين والفنانات بيدعمه ويشجعه.
مش بس كده ده كمان وقت ما كان مبارك رئيس الجمهورية، كان مجرد تواجد الفنانين والفنانات في قصر الرئاسة ده بالنسبة ليهم أمان جدا، ومكنش فيه مانع من شوية إهتمام ورعاية، وكله عشان خاطر المستقبل اللي محدش توقعه.
علاقة شيرين رضا بجمال مبارك
يمكن لما انفصلت الفنانة شيرين رضا عن عمرو دياب رفضت بعدها إنها ترتبط تاني، لكن بعدها بفترة اتسربت معلومات إنها على علاقة بجمال مبارك، في الأول محدش صدق، أصل إيه اللي جاب جمال لشيرين، لكن بعد شوية الموضوع ريحته فاحت، والناس كلها بدأت تتكلم عن الموضوع، وطبعا كله في السر، أصل محدش يقدر يعلي صوته.
ولما الموضوع وصل لسوزان مبارك، راحت لعند ابنها وسألته عن الحقيقة، وفعلا جمال قالها إنه بيحبها وعاوز يتجوزها، لكنها رفضت جدا يكون ليه علاقة بيها، ومع إن جمال حاول كتير سوزان مبارك أصرت على الرفض.
من شيرين لشيرهان
بعد ما انتهى موضوع شيرين رضا، ظهر جمال مبارك في كواليس تصوير فوزاير رمضان، واللي كانت بتقدمها الفنانة شيريهان، ناس كتير قالت وقتها إنها قصة حب من طرف واحد، وخاصة إن شيريهان نزلت في ثورة يناير وهتفت ضد مبارك، لكن بردو ناس تانية قالت إنها نزلت بسبب سوزان اللي وقفت بين زواجها من علاء.
اللي اتعرف وقتها إن جمال مبارك بيحضر كل كواليس التصوير بتاعت فوزاير شيريهان، ده غير إن وسط صفوت الشريف علشان يعرفها عليه في البداية، وبعدها ظهر جمال مع شيريهان في كذا مكان، لكن كالعادة لما عرفت سوزان منعت ده، ووقفت قدام ابنها، وخصوصا إن كان فيه قصة حب بين علاء ابنها الكبير وبين شيرهان، وقررت وقتها سوزان تجوز جمال من خديجة الجمال.
شيريهان بتحب علاء
شيرهان كانت هي وعلاء مبارك في قصة حب كبيرة، وكان ده معروف جدا بين ناس كتير، ولما علاء قرر يتجوزها، سوزان معجبهاش الكلام فقررت تنهي حياة شيريهان، وخاصة إنها حست بإنها أخدت منها ولادها الاتنين.
إلهام شاهين بتواسي جمال
في عزاء حسني مبارك الناس كلها شافت الفنانة إلهام شاهين وهي واخدة جمال في حضنها وبتواسيه على وفاة والده، يمكن الأمر مكنش مريب ولا حاجة، وده لأن الفنانة إلهام شاهين من اللي دعمو حكم مبارك، ووصفت الربيع العربي بإنه مؤامرة، مش بس كده دي كمان زارت مبارك مرتين في محبسه، ونشرت بوست كتبت فيه “شكرت الله لإظهار براءته، لكونه راجل محترم”.
