حشرات غريبة ظهرت في محافظة الاسكندرية وخاصة على زجاج السيارات تسببت في حالة من الذعر بين المواطنين، فما هي هذه الحشرات التي انتشرت بكثرة في الشوارع وعلى زجاج السيارات؟ تابعونا من خلال التقرير التالي لمعرفة التفاصيل
تخيل تنزل الشارع أو تروح تركب عربيتك تلاقيها متغطية بالحشرات من كل حتة؟ ده غير الرعب اللى هتكون فيه كمانن الصدمة الى هتحصلك من المنظر ..
إسكندرية بقالها فترة كده بيحصب فيها ظواهر غريبة أخرها لما إنتشرت أسراب من الحشرات دى بطريقة كبيرة جدا على إزاز العربيات وسببت خطورة بشكل كبير على الناس ..لدرجة الحوادث فى الطرق .. ومحدش عارف إيه ده ولا حصل إزاى ولا سببه إيه ..أنا هقولك كل التفاصيل فى الفيديو ده ..
الفترة الأخيرة بقى عند الناس هوس ،وأى حاجة غريبة عن المعتاد بتسبب لهم زعر وخوف خاصة بعد اللى حصل فى السعودية فى الجبال والأمطار ولسة بيحصل لما إنتشر الجراد الصحراى فى مباراة النصر السعودى .. ولما إنتشر الصور على السوشيال ميديا عملت ضجة كبيرة جدا .
وإتقال إن أن الحشرة شبة حشرة الجراد الصحراوي فى الشكل، إلا أنها تختلف عنها من حيث السلوك،وإنها ملهاش ضرر خالص ودايما بتكون موجودة فى الشوارع وعلى الإنارة بليل..
اهى الضجة دى متجيش حاجة جنب الضجة اللى إتعملت لما إنتشر صور الساعات اللى فاتت على السوشيال ميديا لحشرات مالية الشوارع والعربيات فى الإسكندرية ..
يمكن لإنها حصلت بعد جراد السعودية بأيام وفى نفس توقيت الزلازل ..ممكن!
اللى حصل فى الإسكندرية وحسب ما نشره موقع العربية :إن الناس وهى سايقة العربيات على الطريق الدولي بالإسكندرية وحي غرب الإسكندرية،كانت مجموعات كبيرة بتهاجم الإزاز وتغطيه خالص لدرجة إنهم كانوا سايقين ومش شايفين قدامهم ،ومحدش قادر يمز ده إيه بالظبط غير إنها حشرات غريبة ..
مش بس كده كانت مغطية المرايات العاكسة كمان ..يعنى لا شاييف قدامك ولا وراك ولا جنبك ،وبكده ممكن لا قدر الله كانت تحصل خوادث بطريقة كبيرة ..فياترى إيه الحشرات دى وسببها إيه؟
الدكتور مصطفى سليمان أستاذ علم الحشرات الطبية بكلية الزراعة في جامعة الإسكندرية قال أن الحشرات هي “الهاموش” وبتنمو في البرك والمستنقعات وتتكاثر بصورة كبيرة وبالألفات ،وإسمها في بعض المناطق بالدودة الدموية لأن لونها شبه لون الدم.
وقال أن أسراب الهاموش تتجه وبسرعة كبيرة للطرق السريعة، وبتنجذب لضوء العربيات المبهرة، خاصة بعد تحسن حالة الطقس،وقال إن خطورتها فعلا زى ما الناس حسوها بتلزق فى إزاز العربيات وتحجب الرؤية ،وده ممكن يعمل حوادث كبيرة .
كمان قال إن حركة الهاموش ده بالنهار بتكون ضعيفة ،على عكس بليل ،وهنلاقيها اكتر على الإزاز وفوانيس الإضاءة والمرايا العاكسة.
مش بس هنا لا.. وكمان على أعمدة الإنارة ،وبالتالى هتحجب النور وهتبقى الشوارع ضلمة خالص ،وده هيعوق أكتر حركة المرور ..
وفي أول تعليق رسمي، قالت المهندسة سحر شعبان، رئيس حي غرب الإسكندرية إن الحي متلقاش أي بلاغات رسمية من المواطنين تتعلق بانتشار البعوض في المنطقة المشار لها، وأكدت إن هيتم إجراء فحص للتأكد من صحة الأمر من عدمه .
دى مش المرة الأولى الى يحصب فيها كده فى الإسكندرية .. أسراب من النمل الأبيض المجنح، اجتاحت، مناطق كتير الإسكندرية السنة اللى فاتت،وسارعت وزارة الزراعة لتوفير الحلول اللازمة لمواجهة الحشرة دى
وساعتها قال المتحدث باسم وزارة الزراعة محمد القرش في تصريحات صحفية إن “النمل الأبيض هو أكتر شراسة من النمل العادي، وله أطوار تكون مجنحة وبيطير في بعض الحالات، وهو من الحشرات اللى بردوا بتكون موجودة وتنتشر في أوقات التقلبات الجوية بين الفصول مع إنخفاض درجات الحرارة وإرتفاعها مرة تانية.
تفتكروا ده معتمد على النظافة فى الاماكن،بما إنها بتتكاثر فى اماكن البرك والمستنقعات ،ولا مش شرط ،وهل لو تمت الإهتمام أكتر ممكن الحشرات دى تختفى؟ تفتكروا ملهاش خظورة على صحة الناس؟بالعكس لها طبعا كفاية إن الحشرات متربية فى مية راكدة مش نضيفة أكيد هتأثر على الصحة طبعا بمجرد ملامستها للجلد ولا إنتوا رأيكوا إيه؟ وأهالى إسكندرية اللى بتابعونا إتصرفتوا إزاى فى الموقف ده وهل حصل معاكوا وإنتوا سايقين العربيات؟ شاركونا فى التعليقات.
