أخبار الاقتصاد

شهادة استثمار جديدة أفضل من الـ 25 % ..العائد مفاجأة للكل ونصيحة هامة قبل الشراء

كلها أيام ويبدأ عملاء البنك الأهلي وبنك مصر يصرفوا شهادات الـ18%، وطبعا في كلام كثير عن إنه بعد هذا الميعادس يكون في احتمال كبير إن البنوك الحكومة تعلن عن شهادة ادخار جديدة بفايدة كبيرة.

خليك معانا في التقرير ده هنقولك إيه تفاصيل الشهادة دي وهل فعلا هتكون بفايدة أكبر من 25% ولا لأ، ولو انت من الناس اللي قدموا على شهادة الـ18% تعمل إيه بالعائد وإزاي تستثمره بشكل أفضل:

عملاء كتير في القطاع المصرفي المصري الفترة دي مستنين بفارغ الصبر الإعلان عن طرح شهادات ادخار جديدة بعائد مرتفع ، وده لأن ده بيحصل علطول فى ظل ظروف التضخم اللي بتواجهها مصر واللي سجل حوالي 31.2%، وطبعا الكلام ده كله متوقع يحصل خاصة مع قرب إنتهاء أجل شهادات الـ18.

ولو انت مش عارف فـ صرف شهادات الـ 18% داخل بنك مصر والأهلي المصري وده هيكون من يوم 20 مارس الجاري.

وطبعا أول أيام طرح الشهادة دي كان في 2021، و استمر لحد 31 مايو من نفس السنة، وده بعد ما حققت حصيلة بلغت 750 مليار جنيه.

والسنة دي ومع ارتفاع معدلات التضخم شوفنا الحكومة طرحت في يناير اللي فات شهادات ادخار بعائد 25% في البنك الأهلي المصري وبنك مصر ده غير كمان بنك القاهرة بعد كده أعلنوا عن وقفها وده بعد ما جمعت حصيلة من البنكين عدت الـ 500 مليار جنيه.

وكمان الهدف الأهم هو لم السيولة اللي موجودة في السوق واللي هتيجي من فوايد شهادات الـ18% وده لأنهم مش عايزين الفلوس دي تخرج بعيد عن القطاع المصرفي وعشان كده لازم يكون في منتجات ادخارية مختلفة تجذب العملاء الفترة الجاية.

طيب هل الشهادات اللي هتطرح هتكون أعلى من 25%؟

حسب الكلام اللي أكدته مصادر مصرفية فـ البنوك الفترة دي بتدرس إصدار شهادات ادخار جديدة بعائد بـ يتراوح بين 18% و30%، وده طبعا عشان تسيطر على معدلات التضخم اللي زادت بشكل مش مسبوق .

أما بقى الدكتورة سهر الدماطي، الخبيرة المصرفية، قالت إن البنوك هتواجه صعوبات كتيرة لو طرحت شهادات تانيه بعائد أعلى من الـ25% وده لأنه مفيش مناخ مناسب في مصر لتوظيف الشهادات دي.

وقالت كمان إنه اكتر من 30% من حائزي شهادات الـ18% عملوا تخارج منها بالفعل وده عن طريق كسرها لصالح شهادات الـ25% في يناير اللي فات.

ولو انت معاك قرشين وعايز تحطهم في شهادة عشان ما تقربش منهم ولا قيمتهم تقل.عندك شهادة القمة من بنك مصر بعائد 16%.ودي تقدر تشتريها من أول ألف جنيه ومضاعفات الألف بدون حد أقصى، ومدتها بتكون 3 سنين.

أما بقى سعر الفايدة سعر الفائدة على شهادة القمة في بنك مصر فبتكون 16% عائد شهري ثابت، و16.25% عائد ريع سنوي ثابت،و 16.5% عائد نص سنوي ثابت، 17.25% عائد سنوي ثابت.

وعندك كمان الشهادة البلاتينية الثلاثية في البنك الأهلي المصري.ودي ممكن تشتريها من أول ألف جنيه ومضاعفات الألف بدون حد أقصى، ومدتها بتكون 3 سنين.

أما سعر الفايدة على الشهادة البلاتينية في البنك الأهلي المصري فبيكون 16% عائد شهري ثابت،و 16.25% عائد ريع سنوي ثابت، 16.5% عائد نصف سنوي ثابت، 17.25% عائد سنوي ثابت.

انت بقى شايف البنك الأهلي وبنك مصر ممكن يعملوا ايه عشان يحافظوا على عملاء شهادة الـ 18%؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى