فن و مشاهير

أزمة جديدة لسعد الصغير بسبب الراقصة شمس وما قالته صدم الجميع!!

من الواضح أننا لن ننتهي من مشاكل الفنان سعد الصغير وطليقته الراقصة شمس، كل يوم والآخر تخرج بتصريحات أشد من بعضها، واتهامات ممكن تدخل سعد السجن حرفيا، إذا كانت الاتهامات فعلا صادقة فيها شمس.

كان أول الاتهامات دى وأشدها أن سعد الصغير أرتبط بيها غصب عنها وكمان صورها في أوضة نومها بدون ملابس خالص وأخد الفيديوهات دى عشان يمسكها عليها زله، وتبقى مش قادرة تتكلم عنه خالص، ويمارس عليها ضغوط أخطر وأشد.

وكمان قالت أنه على الرغم من عدم موافقتها على الجواز منه، بس هي حملت مره منه للأسف، بس هوا ماكنش موافق على الحمل ده وتسبب في أن الجنين ينزل وهى في الشهر السابع في حملها، متخيلين المشهد، ده لو صدقت فعلا، سعد هايحصل معاها مشاكل كبيرة جدا.

شمس بتقول في الفيديوهات أنها شغالة دلوقتى على قضيه ضد سعد الصغير وهى معاها تسجيلات صوتية وفيديوهات ومستندات باللى عمله معاها والضغط الكبير اللى مارسه عليها، وهى رفعت القضية دلوقتى عشان فيه ضغط تانى من سعد خلال الفترة الأخيرة، وهى بتقول أنها مش عارفه أصلا هوا بيعمل كده ليه دلوقتى .

مش بس كده، دى كمان بتقول أن فيه شخصية تانيه مع سعد الصغير بتمارس ضغوط عليها، مش بس سعد الصغير لوحده، وهى رافعه على الأتنين القضية ومنتظره المحكمة تحكم عليهم خلال الفترة اللى جايه.

اللافت بقى كلامها، أنها وهى بتقول كده، سألته واحده صحفية وقالتلها، مش ممكن العلاقة تتصلح بينك وبين سعد الصغير، يعنى لو جه قالك نرجع لبعض، هل هترجعى ولا لا، وشمس ردت عليها وقالتها كل مرة بيرجعنى بالسياسة والدلع، بس أنا خلاص زهقت مش عارفة هعمل إيه مع سعد بعد كده خالص، يمكن أرجع ويمكن لا، بس أنا رافعه عليه قضية وهكسبها.

الغريب بقى ان الفنان سعد الصغير بعد الكلام اللى قالته شمس خلال اليومين اللى فاتوا والهجوم الشديد اللى عليه، طلع في تصريحات صحفية وقال أنه لما بطل يبعت لشمس فلوس بعد طلاقهم طلعت تتكلم عليه، وأنها غيرانه من مراته الجديدة برلنتي، وأنها بعتت لمراته رسالة قالت فيها عايزة سعد يبعتلي فلوس لأن بنتى بتعمل عملية.

احنا دلوقتى مش عارفين مين فيهم اللى كلامه صادق وبجد، بس من الواضح أن المشكلة بين الفنان سعد الصغير وطليقته شمس هتطول شويه، واضح أن فيه عداوة شديدة قوى ما بين الاتنين، والخلافات مستمرة وداخله في أصل علاقتهم، واللى زود البله طين، أن شمس دخلت في الموضوع مرات سعد الصغير دلوقتى برلنتي، وأكيد ده مكنش يصح خالص.

الفكرة دلوقتى هل مرات سعد الجديدة، واللى بالمناسبة سعد كان مطلقها من فتره ورجعها تانى، هل الست دى هتسكت على الاتهامات اللى موجهه لسعد الصغير، طيب لو سكتت هل هتبطل شمس تجيب سيرتها وشغل الستات ده، ولا هنفضل في القصة دى كتير.

في نهاية الفيديو احنا نتمنى أن قصة سعد الصغير وطليقته تنتهى ويعيشوا الاتنين في وضع كويس، سواء بقى رجعوا لبضع ولا منفصلين.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى