أسرار الصلح بين أحمد عز وزينة وشروط الطرفين

الجمهور ليس له حديث إلا في سيرة أحمد عز وزينة، هذا هو الطبيعي من وقت بدء الأزمة  بينهم، لكن تطور الحكاية عمل اهتمام أكبر وكله أصبح ينتظر اللحظة الحاسمة لنرى الاتنين في عش الزوجية من جديد.

المهم ده مش هيام غير لما يتصالحوا الأول والسيرة دائرة دلوقتي على إن زينة هي اللي بتسعى للصلح مع أحمد عز، والكلام على كده كان بدأ من شهر رمضان أصلا بس واضح إنه هيبقى حقيقة، لكن إيه تفاصيل الصلح ده وإيه الشروط ده اللي هتعرفوه معانا في الفيديو ده.

التمهيد

من فترة كده عرضت محكمة الأسرة على أحمد عز وزينة الصلح، وده بعد الدعوى اللي كانت رفعتها زينة على أحمد عز بالدفع أو الحبس بخصوص أجر المسكن والحضانة والمبلغ كان حوالي 3 مليون جنيه، وبعدها الجمهور عرف وبدأ يتكلم في السوشيال ميديا عن عودة الاتنين لبعض، بس قرار المحكمة معناه الصلح يا جماعة مش يرجعوا لبعض، وده كان اللي داير وقتها بس الموضوع اتطور وحصل فيه جديد.

سعي زينة

الفنانة زينة في شهر رمضان اللي فات ضربت كرسي في الكلوب وقالت إنها هتتصالح مع أحمد عز لأنه أبو ولادها، وقالت للي كانوا ضدها لما مرضيش يعترف إن الولدين ولاده منها: “انتوا مين؟ انتوا مين بجد بس اخرصي إنتي وهي وهو خلاص.. محدش ليه دعوة بينا إحنا حرين ناكل بعض وهنتصالح.. نقطع بعض في بينا ولاد ملكوش دعوة محدش ليه دعوة”.

ودي كانت الانطلاقة اللي ادت الفرصة للمقربين إنهم يتدخلوا ويحاولوا يصلحوا الأمور بينهم عشان الولاد، وفعلاً في كلام دلوقتي داير إن زينة عاوزة فرح أسطوري عشان يتردلها كرامتها وسط الناس كلها عشان اللي حصلها مكانش شوية ومن حقها يكون ليها فرح الناس تحلف بيه، وعشان كمان كل اللي شكك في علاقتها مع أحمد عز يخرص، الغريبة إن أحمد عز راضي يتصالح ويرجع لزينة عشان خاطر ولاده يتربوا في وسطهم هما الاتنين، بس هو راح ولا جه ليه شرط وعاوزه يتنفذ وده بقى قاله المقربين منهم.

 شرط أحمد عز

عرفنا إن أحمد عز عاوز يتصالح فعلاً بس هو بالمناسبة بيشوف ولاده أيوه بيشوفهم ويعرفهم وبيقعدوا مع بعض وزينة عارفة كده كويس وبتحافظ على علاقة الولاد بأبوهم رغم كل اللي بتعمله في المحاكم والنفقة اللي يتطلبها والكلام ده، بس عشان عز يتصالح ولا يرجع عنده شرط إن مفيش سيرة تيجي خالص عن حياتهم الشخصية ولا يكون في صور لولاده على السوشال ميديا ومش عاوز حد يعرف عنه حاجة غير فنه وبس.

وبعد اللي قولناه ده بقى تفتكروا زينة وأحمد عز هيتصالحوا فعلاً بعد ما نشفوا ريقنا في المحاكم وموضوعهم بقاله سنين داير وسيرتهم على كل لسان ولا الحال هيفضل زي ما هو؟ مستنيين تقولولنا رأيكم في الكومنتات.