فن و مشاهير

مالا تعرفه عن نور عمرو دياب وسر المرض التي تعاني منه

نور عمرو دياب هي ابنة الهضبة من زوجته الفنانة شيرين رضا، جدها هو الفنان الاستعراضي المصري الراحل محمود رضا رائد الرقص الشعبي في مصر، لديها 3 أشقاء من والدها، هما عبدالله وكنزي وجنا من والدتهم زينة عاشور.

تعتبر نور من أبناء الفنانين اللي بيتمتعوا بشعبية كبيرة على مواقع التواصل الاجتماعي، اتولدت نور عمرو دياب في عام 10 يوليو 1990 وحاليا عمرها 32 سنة.

سابت نور مصر عشان تبعد عن الأضواء اللي بتلاحق والدها وراحت تعيش في لندن من سنة 2000 مع زوجة والدها التانية زينة عاشور.

درست تخصصات كتير بدأتها بدراسة البيولوجي في إحدى الجامعات المصرية وبعدين استكملت تعليمها في لندن وخدت ماجستير في التسويق وكمان درست إدارة الأعمال.

سنة 2017 بدأت تتعلم لغة الإشارة وقررت تشتغل في المجال ده، أعلنت في 10 أغسطس 2021 عن خطوبتها من خلال بث مباشر على «إنستجرام» وأبدت سعادتها بالتجهيز عشان تروح تعيش في جنوب لندن مع خطيبها.

خطيب نور عمرو دياب هو كيران وودورد مدرب كمال الأجسام وشغال في مجال التصوير الفوتوغرافي، كيران من أصولٍ أفريقية وعايش في بريطانيا.

اتعرفت نور دياب على كيران أثناء إقامتها في لندن وتحولت علاقة الصداقة القديمة بين الطرفين إلى حب كبير، كشفت إنها هتتجوز خطيبها كيران وودورد سنة 2022 من خلال فيديو على حسابها على إنستجرام ولكن الجواز محصلش لحد دلوقتي
في لقاء تلفزيوني كشفت والدتها الفنانة شيرين رضا إن نور عمرو دياب مش هتعمل حفل زفاف لأنه ده مش طبعهم.

نور عمرو دياب عندها حساب على إنستجرام عدد متابعينه فوق الـ700 ألف بتمارس من خلاله هوايتها في صناعة محتوى الملابس والإكسسوارات والمكياج.

بتنشر نور فيديوهات لتنسيقات الملابس بتساعد بيها البنات على اختيار إطلالتهم، بتهتم نور عمرو دياب بالأكل الصحي والطعام النباتي والرياضة وبتعتبر ده من الأمور اللي بتخليها في حالة إيجابية.

أعلنت نور عمرو دياب في أكتوبر 2021 عن إصابتها بمرض فرط الحركة وتشتت الانتباه ADHD، الإعلان ده كان بعد أسابيع قليلة من إعلانها خطوبتها، وبكدة تكون نور وشقيقتها جنى عندهم نفس المرض ده.

وجهت نور نصيحة لمتابعينها على إنستجرام وقالت: “عليكم أن تخلقوا بيئة خاصة بكم من السعادة والاستقرار حتى لو كان ذلك يعني إجراء تغيير جذري”.

وكشفت كمان إنها مش بتطلب فلوس من والدها وعايشة حياة مستقلة وبتجني المال الخاص بيها من عملها كعارضة أزياء
بتتعرض للتنمر من وقت للتاني ولكن هي بترد على ده بهدوء وثقة في النفس.

وفي مرة من المرات ردت على سؤال واحد من المتابعين جوالين إذا كانت بتحب علاقات النوع الواحد بسبب صورها مع صديقاتها، ونفت نور ده تماما وأكدت إنها مش بتعيش قصص حب مع البنات وبتعتبر صديقاتها زئ إخواتها.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى