رغم كل الإنجازات والأهداف التى يحققها كهربا الفترة الأخيرة ..إلا إن الغرامة التى من المفترض أن يدفعها للزمالك تحول بينه وبين الفرحة بما يفعله.
وزى ما مرتضى منصور بيحاول ينتقم دايما من الخطيب ..الخطيب جاتله الفرصة على طبق من دهب ..ومش هيخلى كهربا يدفع الغرامة وهيلعب كمان فى الأهلى !
إزاى الخطيب هينقذ كهربا من دفع الغرامة وهتكون صدمة للمستشار! إيه حكاية المهلة اللى قدامه دى؟هل ينفع الأهلى أصلا يعمل كده؟ تفاصيل كتير وأسرار أكتر هنعرفها فى التقرير التالي:
كهربا قدر يقنع الأهلى يوقف جنبه بطريقه غير مياشرة ومع كل هدف كان بيحققه كهربا ..المستشار بيضايق أكتر ومستحلفله،وكل يوم والتانى تطورات بتحصل فى القضية بين كهربا والزمالك بخصوص حكم الغرامة الصادر ضده من المحكمة الرياضية الدولية لصالح القلعة البيضاء..
إنه المفروض يدفع للزمالك غرامة 2ونص مليون دولار! والكلام كله الفترة اللى فاتت عن كهربا هيلعب لا مش هيدفع ..طيب هل هيدفع الغرامة ..ولو حصل هيدفعها منين وكهربا مفلس!
هنا مربط الفرس بقى ..الأهلى قالك نضرب عصفورين بحجر واحد ننتقم من المستشار،وفى نفس الوقت نستفيد من وجود كهربا فى الأهلى .. وبكده كهربا يخلص من مشكلة الغرامة خالص!
يقال إن المسؤولين فى الأهلى بيجمعوا من بعض فلوس ،وهيدفعوا الغرامة لكهربا،ومستعدين يعملوا أى حاجة علشان ينقذوه .
كهربا إستسلم خلاص للأهلى وهيوافق بكل اللى يطلبه منه وهيقبل بعرض الأهلي والي هو تجديد عقد كهربا مع المارد الأحمر لمدة 4 سنين بمقابل مادي أعلي علشان يضمن تعويض اللاعب ماديا ويكون الأهلي شارك بشكل غير مباشر بجزء من الغرامة الي علي كهربا.. الأهلي طبعا مينفعش يدفع الغرامة بشكل مباشر
وده لسببين الأول.. أن الأهلي مش طرف في القضية والسبب التاني أن تدخل الأهلي في دفع الغرامة ممكن يسبب مشاكل في الميزانية العامة للنادي لأن هيكون تحت أى بند وبصفته إيه يدفع لكهربا 2 ونص مليون دولار مرة واحدة؟
فكهربا قعد مع الخطيب وقاله بكل صراحة على حالته المادية وإنه هيدفع كل اللى معاه وكل ثروته ..ومستنى من الخطيب خطوة إنه يكمله الباقى ،علشان كده إنتشرت الأخبار إنهم بيجمعوا له الباقى ..
وعشان يحرقوا قلب المستشار أكتر هيحطوا الفلوس دى في حساب الزمالك اللى ممدوح عباس واخد حكم عليه ومحجوزعليه.. يعنى مرتضى منصور هيطلع من المولد بلا حمص!
وبكده العقوبة تسقط عن كهربا وكمان يرجع للملاعب من جديد بكل حرية!ويمكن اللى متحمس لكهربا وواقف فى ضهره اوى هو خالد مرتجى أمين صندوق الأهلى “اللى شافه من مرتضى من أهانة مش قليل”
مصادر من الأهلى بتأكد تلقى المحامي الخاص بـ كهربا حيثيات القرار الصادر من اللجنة التأديبية بالاتحاد الدولي فيفا قبل شهرين، وهو القرار اللى بيتضمن إن يكون لكهربا مهله 60 يوم لتسديد الغرامة.
كمان كهربا هيكون له الحق خلال 21 يوم بالطعن على قرار اللجنة التأديبية.. من لحظه تسلمه الحيثيات يعنى من النهاردة ..
أما بلنسبة لللى بيتقال عن إيقاف كهربا بعد إنتهاء ال60 يوم ،ده مش صحيح ،وكان بسبب سوء فهم لطبيعة القرار الصادر من اللجنة التأديبية في فيفا.
كده كهربا دخل مرحلة تقاضي جديدة مع الزمالك من خلال الطعن على حيثيات القرار الأخير خلال مدة الـ 21 يوما فياترى مصيره هيكون إيه؟ شاركونا فى العليقات .
