أخبار الرياضة

مرتضى منصور يكشف مفاجأة من العيار الثقيل بشأن “كهربا” وموقف غريب من الأهلي

طول الفترة الماضية وجمهور الكرة وبالتحديد الأهلي والزمالك يحتار فى مصير محمود كهربا بعد ما أصدرت المحكمة الرياضية حكمها على اللاعب بالغرامة حوالي 2 مليون و400 ألف دولار لصالح الزمالك وإيقافه لمدة 6 شهور، لحيت تسديد الغرامة ،وهذا بسبب هروبه من الزمالك لنادي برتغالي وفسخ تعاقده مع القلعة البيضاء من طرف واحد.

ولكن كيف كان تصرف مرتضى منصور معه ومفا المفاجأة التي كشفها خلال الساعات الماضية؟ وما مصير كهربا مع الاهلي؟ هذا ما سنتعرف عليه من خلال التقرير التالي:

فى الساعات اللى فاتت مفيش كلام بين جماهير الأهلى والزمالك إلا عن أزمة كهربا الأخيرة ،اللى بقالها شهور ،وده لإن جد فى الأمور أمور بسبب تصريحات المستشار مرتضى منصور الأخيرة،واللى دايما بتسبب أزمة وصدمة كبيرة لكهربا .

طبعا كلنا تابعنا الأيام اللى فاتت لما محامى كهربا تواصل مع مرتضى منصور علشان يعنى هيدفع المبلغ وكل حاجة بس يكون بالتقسيط ،لكن مرتضى منصور رفض تماما وصمم إنه ياخد المبلغ كامل مرة واحدة.

أمير مرتضى منصور أكد قبل كده إنهم في النادي دلوقتي بيشتغلوا على مخاطبة الفيفا عشان لو كهربا مسددتش المبلغ قبل 26 يناير الجاى،اللى هيكون معاد نهاية ال6 شهورإيقاف لكهربا،فيتم تجديد المدة تانى.

لكن مرتضى منصور أكد إن الزمالك مستعد يوافق على طلب التقسيط لكن بشرط وهو إن كهربا يطلع للجمهور ويقول من اللى حرضه على الهروب من الزمالك للنادى البرتغالى،وقال اللى هو بالطبع معروف.

منصور قال :كهربا زهق .. كل يوم يسمع وعود ومفيش حاجة بتتنفذ.. ومحدش هيدفع له جنية واحد حتى، كهربا جاله كهربا فى دماغة من تصرفات مسئولى الأهلى، ومحدش واقف معاه، فـ أنا بقوله اطلع قول مين اللى حرضك وانا أوافق على تقسيط المبلغ،انا لو مكانك هعمل كدا ووقتها هنستقبله أحسن استقبال، ونوافق على تقسيط الغرامة.

وده طبعا بعد تصريحات سيد عبد الحفيظ مدير الكرة بالنادى الأهلى الأخيرة ،إن أزمة الإيقاف والغرامة دي ملناش علاقة بها ،ودي مشكلة كهربا مع الزمالك،وكلها أمور قانونية معقدة ،وإحنا كإدارة في الأهلي مش طرف في أزمة إيقافه.

كهربا لما ساب النادي البرتغالي ورجع على الأهلي كان متخيل أن مجلس الإدارة هيقدر ده وإنتشرت الأخبار ساعتها إن الأهلى ممكن يساعده ويديله جزء من الفلوس كمقدم عقده مع النادى ، لكن على مدار شهور مفيش أي نتيجة وكهربا مش قادر يدفع مبلغ الغرامة اللي كل يوم بيزيد بسبب الفوائد اللي عليه.

والمفاجاة إن سيد عبد الحفيظ صدم كهربا وكشف موقف النادي من الغرامة المفروضة عليه،وقال إنه يتمنى أن الأمور تتحل عشان كهربا يرجع يلعب مع النادي الأهلي إلا أن أزمة الغرامة دي الأهلي مش طرف فيها وهو مش هيتخلى عنه، ودي مشكلة بين كهربا والزمالك وهو اللي المفروض يحلها.

وكان فى أخبار عن بيع كهربا لأحد الأندية خلال الفترة الجاية ،وقالوا إن الأهلى تخلى عن كهربا،وده اللى خلى مرتضى منصور يقول تصريحه ده، لكن المفاجأة اللى صرح بها شوبير بخصوص مصير كهربا إن قال إن كهربا هيشارك مع الأهلى فى النص التانى من شهر يناير،وإن الأهلى مش هيتخلى عنه بالعكس ، بيحاول يحسم ملف أزمة عقوبته .

ياترى مصير أزمة كهربا إيه؟ ممكن كهربا ينفذ شرط مرتضة منصور ويطلع يقول مين اللى حرضه وبكده يبقى ضمن تقسيط المبلغ؟ولا لما ينضم للأهلى ممكن يسدد المبلغ من مقد عقده؟ شاركونا برأيكوا فى التعليفات.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى