فن و مشاهير

بعد حرق لسانه لكي يثبت براءته أين اختفى مجدي شطة؟

أين مجدي شطة الآن؟ .. سؤال ممكن يطرحه أي أحد في هذا الوقت وذلك بعد اختفائه من على الساحة ولا أحد يعرف عنه أي شئ حتى ظهر في فيديو صادم وهو  يجلس على ركبه وبيتعمل فيه البَشْعة لأنه كان متهم في سرقة مبلغ .

مش أول مرة

الحقيقة دي مش أول مرة يظهر فيها مجدي شطة بعد ما يختفي بفترة طويلة وده حصل من حوالي سنة ونص لما قعد مختفي وفجأة ظهر وهو شكله مش ولابد يعني وشه شاحب كده ووزنه أقل وحكايته وقتها كانت حكاية والجمهور اتصدم من ظهوره بالشكل ده.

وعشان كده طلع في فيديو نشره عبى حسابه في “فيسبوك”، وقال مش هينفع أقولكم الأسباب اللي أنا كنت فيها.. بس صدقوني يا جماعة أنا كنت في مشكلة شخصية.. وربنا اللي يعلم ومش هقول أكتر من الكلمتين دول، والناس قالت ده كان مسجون في قضية ولا حاجة وناس قالت لأ ده كان تعبان تعب خطير وعشان كده وزنه قل.

حكاية البَشْعة

اختفى مجدي شطة بردوا الفترة اللي فاتت لحد ما ظهر في فيديو وهو بيعمل البَشْعة وعشان يبقى قدمنا المعلومة كاملة فالبَشْعة دي طريقة من الطرق اللي بتستخدمها القبائل العربية للحكم على براءة أو إدانة المتهم.

وده بعد ما ليكونوا استنفذوا كل الأدلة عشان يكشفوا المجرم ووقتها بكون في شخص اسمه المُبشِّع بيعمل تلحيس للنار على لسان اللي مشكوك فيه، وبتتم عملية البَشْعة بإن المتهم بيقعد جنب المُبشِّع وده في حضور الخصوم والشهود عشان يشوفوا اللي بيحصل، وناس كتير مؤمنة بالموضوع ده وناس تانية شايفة إن ده جهل وقلة وعي.

مشكوك فيه

في الفيديو اللي كان صدمة للجمهور ظهر مجدي شطة ومعاه اتنين تانيين اتقال إنهم متهمين إنهم لهفوا 750 دولار من واحد اسمه رمضان أبو حبيشة وخدوهم من درج في البيت عنده.. المبشع ده كان بيعامل مجدي شطة واللي معاه بطريقة مهينة واقعد يلا واقعد هنا وكان بيوريهم يعملوا إيه وياخدوا بالهم إزاي عشان ميجرحوش لسانهم.

وشرح كل التفاصيل وبدأ الموضوع اللي كان قدام الناس ولما النار لمست التلاتة وقعدوا شوية المبشع قال للخصوم لو طلعوا براءة خلاص محدش هيتكلم في حاجة تاني والبشعة دي هي الناهية ومفيش بعدها كلام.. وانتهى الموضوع ببراءة مجدي شطة والاتنين اللي معاه واحتفلوا إنهم طلعوا براءة.

ومجدي شطة اسمه الأصلي مجدي مختار واللي منتشر ده اسم شهرته، وهو منطقة التعاون في حي المطرية وكان بدايته مع الغنا لما كان ليظهر في تنجيد العرايس ويعمل نمرته في الحواري الشعبية وبدأ يتعرف لما كان بيحفظ الأغاني من ملفات صوت جاهزة عشان هو مبيعرفش يقرأ ولا يكتب وقبل ما يبدأ الغنا اشتغل صنايعي في كذا مهنة وسنه حالياً 34 سنة.

وقال إنه بدأ يغني وهو عنده 12 سنة واشتغل سواق توك توك ولما بدأ يتعرف ساب التوك توك في مدخل بيته وبيلقط رزقه من الأفراح ومن أشهر أغانيه “عنبر كله يسمع وباب السجن”، وحلمي بكر قال على صوته إنه على أده وكبيره يغني في الأفراح البلدي وغير كده طالب بالقبض عليه لما انفعل عليه قبل كده وده بسبب طريقة غناه وإنه مش متمرس ولا دارس.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى