تفاصيل إصابة منة داغر زوجة حازم إيهاب بمرض نادر!

 

دراعى الشمال غير دراعى اليمين!..أنا بعانى من تعب نادر بيجى لكل واحد أو إتنين من ال1000 ..أنا إتصابت به من ساعة الولادة وبعانى منه لحد دلوقتى!

منة داغر زوجة الفنان حازم إيهاب لأول مرة بتحكى عن تعبها وفتحت قلبها للجمهور وحكت تفاصيله ! والكل إتصدم إزاى حصلها كده ؟وإزاى طول الفترة دى إتعايشت مع التعب النادر ده؟وليه كانت مخبية عن الناس وتحديدا دلوقتى كشفت عنه؟ فعلا حياة الفنانين والمشاهير مش وردية زى ما البعض بيعتقد!

اللى يشوف صورهم وهزارهم فى اللقاءات وضحكتهم اللى على وشهم ميشفوش اللى ورا الحاجات دى إيه؟ منة داغر وحازم إيهاب من ألطف الكابلز فى الوسط الفنى ..ومحدش يختلف على ده من ساعة جوازهم ولحد دلوقتى ..

منة ربنا إبتلاها بتعب نادر من صغرها ..ومع ذلك عاشت به طول حياتها ولحد ما إتجوزت وخلفت لكن للأسف إبنهم فارق الحياة بسبب تعب هو كمان فياترى هل هو نفس تعب أمه ولا إيه الحكاية؟

منة نشرت صورها لها وركزت على دراعها قدام مراية وعلقت وقالت إن اللى عندها ده إسمه “شلل إرب” وهو بتعب بيجى فى الكتف والدراع وبيسبب حالة عصبية يتعمل ضعف وفقدان للقدرات العضلية!
هى ثالت

أنا إتولدت بإصابة في الولادة إسمها شلل إرب أو “الضفيرة العضدية” في دراعي الشمال ،زده تعب نادر بيحصل لكل مولود أو 2 من كل 1000 ، والسبب فى ده هو شد رقبة الرضيع بطريقة غير سليمة أثناء الولادة على جانب واحد ،فبيحصل تلف في حزمة الأعصاب المسؤولة عن إرسال الإشارات من الحبل الشوكي للكتف والذراع..

منة قالت إن حجم الضرر بيختلف من حالة لحالة ..ممكن حالة تحس بكل الأعراض مرة واحدة أو حد تانى يحس بحاجة واحدة ،وبكدة ممكن يحصل شلل جزئى أو كلى فى الدراع ،والتواء فى الكوع وضعف شديد في الرسغ والحركة بتكون محدودة. كمان هتلاحظ أن طول الدراع المصاب قصر من الدراع العادية ..فى رضع كتير بتكون الأعراض بسيطة وبيخفوا خلال شهور وفى حالات دايمة زى حالتى كده !

 

طيب إزاى كانت متعايشة مع التعب ده طول حياتها ..منة قالت إن الإصابة دى أثرت على حياتها فى كل سنين عمرها من من عدم الأمان ومحاولة إخفائها طوال الوقت إلى محاولة قبولها وحبها وأخيراً مشاركتها بثقة معكم جميعاً، هى وصلت لمرحلة القبول ورضيت بالللى ربنا قسمه لها وحبت تشارك الجمهور وكانت عارفة إن الكل هيتفاجئ مش الجمهور بس لكن كمان الناس اللى يعرفوها.

ولكن هى قالت إن ده فى الواقع جزء منها ولا تتقبله.. واللى خلاها تشارك الجمهور قصة تعبها النادر ده إنها إتعرضتت للتريقة والتنمر من أحد المتابعين لما قالت لها هاى منة أنا عارفة إنك عندك شلل الأرب ومخبية علينا ..

منة مش بتتكسف من شكل دراعها وقالت إيه المشكلة لما يبقى دراعى الشمال مش زى دراعى اليمين .أنا ربنا مدينى حاجات تانية حلوة وطلبت من الناس إنهم يعيشوا حياتهم ويتبسطوا وميتكسفوش من أى حاجة فى شكلهم مهما كانت

منة عندها 24 سنة،اتعرفت على حازم إيهاب من سنين كتير قبل جوازهم ،واتجوزوا فى 2020 ..وخبر جوازهم قلب الدنيا ساعتها ..بيتابعها أكتر من 260 الف شخص على انستجرام ..

فقدوا إبنهم الوحيد “يونس” بعد ساعات قليلة من ولادته بسبب مشكلة فى القلب وعمل عملية لكن فشلت ورحل إبنهم وهو عمره ساعات..
الح

قيقة إن الناس كلها عندها إبتلاءات ميغركوش الشو والمظهر اللى بيظهروا به للجمهور ..هم ناس طبيعية جدا وبيعانوا بس مش بيصدروا للجمهور السلبيات اللى بيمروا بها ..ولا إنتوا رأيكوا إيه؟ هل كنتوا تعرفوا عن التعب ده قبل كده ولا أول مرة تسمعه عنه خاصة إن فى ناس أعترضت وقالت إنه لا نادر ولا حاجة كل الحكاية حصل ملخ فى الدراع مش أكتر ..شاركونا فى التعليقات .