أخبار الاقتصاد

مشروع بـ 5 آلاف جنيه فقط يمكنك أن تكسب ذهب منه

بتفكر في مشروع تحقق منه مكسب جيد وفي نفس الوقت لا يتكلف كثير من المال، ويحقق لك دخل شهري يحميك من خطر التضخم؟ لا تفكر كثيرا سنوضح لك تفاصيل مشروع يمكن أت تبدأه بـ 5 ألاف جنيه فقط ومن منزلك فتابعنا.

لو مش عايز تشيل فلوسك في شهادة أو تشتري دهب وعايز تستثمر فلوسك في مشروع صغير تقدر تبدأ بيه حياتك، فـ احنا بنرشحلك مشروع صناعة المخللات واللي يعتبرمن المشروعات المربحة، وده بسبب إن عليها إقبال كبير.

وده طبعا لأن المخلل بيعتبر طبق رئيسي على السفرة في مصر

ولو انت قررت تعمل المشروع ده فجهاز تنمية المشروعات المتوسطة والصغيرة ومتناهية الصغر بيقدملك نصايح كتيرة عشان تبدأ المشروع بتاعك

والجميل بقا إنك هتقدر تديره من البيت بكل سهولة وكمان تحقق أرباح عالية، خاصة أن معظم الخضراوات هتقدر تخليلها، زي الفلفل والجزر والخيار والبصل والزيتون والليمون.

ده انت كمان هتقدر تبيع المنتجات بتاعتك في أكتر من جهة، سواء الأقارب والأصدقاء أو توزعها في الأسواق والمحلات أو كمان تبيعها أونلاين.

وخلي بالك فكرة صناعة المخلل تعتبر من المشروعات المضمونة، لأنه شيء أساسي عند المصريين وبيزيد الطلب عليه،خاصة في المواسم والأعياد والمناسبات السعيدة، زيشهر رمضان ويوم عاشوراء .

وكمان لو أثبت كفاءتك وجودة منتجاتك فـ هتقدر تحقق ربح أفضل خاصة لو المنتج نضيع ومغلف بشكل كويس .

وطبعا لازم تاخد بالك إن مشروع زي ده لازم تتعامل فيه بحرفية وده عشان ما تضرش أي حد كمان يفضل إنك تعرف أصول المهنة وأسرار صناعة المخللات وتقدر تعمل ده بإنك تسأل حد سبقك في المجال ده وكمان الشخص ده ممكن يعرفك على الموزعين اللي تقدر تعتمد عليهم ويقولك الاخطاء اللي تتجنبها وانت بتبدأ.

أما لو شاكك في نجاح المشروع فخلي بالك إنت عشان تنجح لازم تعتمد في مشروعك على التنوع، بمعني إنك متكتفيش بنوع واحد أو اتنين من المخللات لكن لازم يكون عندك تشكيلة متنوعة، زي الزيتون الأسود والأخضر والجزر والفلفل والليمون وغيرها، وده اللي هيخلي زباين كتير تحب تشتري منك.

وطبعا اهتم بردو بإنك تحفظ المخلل ده في عبوات محكمة الغلق.أما بقى لو بتسأل عن تكلفة وأرباح مشروع صناعة المخللات،بص ياسيدي لازم تعرف إن مشروع صناعة المخللات مش هيحتاج منك مبالغ كبيرة.وده لانك مش محتاج تأجر أو تشتري مكان وممكن تنفذه بشكل بسيط من بيتك.

وفي بداية المشروع هتحتاج من 5 لـ 10 آلاف جنيه، والفلوس دي هتكسبها بشكل مضاعف بعد وقت قصير جدا، كمان هتحتاج تشتري أدوات بسيطة زي السكاكين وبالرطمانات، و الخضروات وأكياس وعبوات التعبئة.

وفي طريقة سهلة وبسيطة تقدر بيها تسوق وتعلن عن المنتجات اللي بتقدمها من مشروع صناعة المخللات، وده عن طريق لصق إعلانات في الشارع عن المنتج، ووضع صورة ملفتة، أو إعلانات على مواقع التواصل الاجتماعي، والبيع للأهالي والأصدقاء، والتوزيع في الأسواق والمحلات والسوبر ماركت بأسعار مناسبة.\

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى