الزمالك لا يتصدر التريند فى المباريات والأهداف فقط ،لكن الفترة الأخيرة تصدره للتريند أصبح بسبب أزماته مع اللاعبين،أو رحيل أحد منهم عن النادي.والأثتين حدثواا فى نفس الوقت أزمة الزمالك مع كهربا وأيضا رحيل زكريا الوردى.
المفاجأة الساعات الماضية رحيل 2 من لاعبى الزمالك فمن هم ؟ وإيه سبب رحيلهم؟وما موقف النادى منهم قبل الرحيل وبعده؟ تفاصيل كثيرة عن أزمة لاعبى الزمالك سنعرفها من خلال التالي:
كل جمهور الكرة اليومين الل فاتوا تابعوا أخبار رحيل زكريا الوردى عن الزمالك ،وإنتشرت الأخبار عن أسباب رحيله علشان كان بيعانى من أزمة نفسية وإحساسه إنه السبب فى خسارة الزمالك فى مباراة السوبر أمام الأهلى ،وإتعرض للهجوم من الجمهور.
الوردى فتح باب الرحيل عن الزمالك قبل نهاية موسمه الأول مع الفارس الأبيض وفسخ عقده بالتراضى بين الطرفين ،وتوالت بعده كتير من اللاعيبة الساعات اللى فاتت وهم سامسون أكينولا مهاجم الزمالك وزميله إبراهيما نداي .
وده اللى أكده الإعلامى إسلام صادق فى برنامج البريمو وقال إن إدارة نادي الزمالك لن تترد في إتخاذ قرار برحيل سامسون وإبراهيما نداي في حال عدم تألقهما وتقديم أوراق اعتمادهما مع الفريق حتى يناير القادم في فترة الانتقالات الشتوية القادمة.
وقال كمان إن فى بعض الأسماء المرشحة للإنضمام لصفوف الزمالك بردوا فى يناير الجاى،وأكد إن إدارة الزمالك استقرت على ضم مهاجم أجنبي تحت السن ،وفى كمان أكثر من مرشح على رأسهم لاعبي نيجيري واحد تانى كولومبي.
كمان طارق طه لاعب فريق فيوتشر مرشح لتدعيم الجبهة اليسرى إلى جانب محمد حمدي لاعب إنبي الصاعد بجانب مصطفى العش لاعب فريق غزل المحلة.
وكمان الناقد الرياضى محمد شبانة أكد فى برنامجه بوكس تو بوكس على إن مستوى الدفاع يضم القائمة كل من خالد صبحي لاعب فريق الاتحاد السكندري وباهر المحمدي لاعب فريق الإسماعيلي ومصطفى كالوشا لاعب فريق إنبي.
وقال إن مسئولي الزمالك وضعوا قائمة الأسماء أمام البرتغالي جوسفالدو فيريرا المدير الفني للفريق لحسم الأمر بشكل نهائي وتحديد الأسماء الأنسب له.
كلنا طبعا تابعنا الفترة الأخيرة أزمة سامسون مع الزمالك، وإنتشرت الأخبار إن سبب رحيل سامسون ممكن يكون إن الزمالك اتفق مع اللاعب إنه ياخد 350 ألف دولار فى الموسم الواحد، وإن عقده هيزيد 100 ألف دولار فى كل موسم.
ومن هنا بدأ سامسون يتمرد والدليل انه لما سافر بلده رفض يرجع ولما سألوه قال إن جواز سفره خلص ومعرفش يرجع وبالفعل تم تجديده، لكن واضح إن مش ده السبب.
شبانة صرح ان في حاجة مش مفهومة بخصوص سامسون أكينيولا مع الزمالك بعد غيابه عن التدريبات خلال الفترة اللي فاتت وإن في كلام كتير اتقال عن اللاعب منها ما يتعلق بمستحقات المالية ومنها ما يتعلق بمفاوضات رحيله عن نادي الزمالك.
شبانة قال إن في كلام اتردد عن عدم حصول اللاعب على مقدم عقده اللي التزم به مرتضى منصور،وناس تانية بتقول إنه بيلعب وقت ما يحب مش أكتر.
نادي الزمالك قال إنه استبعد اللاعب من مباراته مع المصري وإدارة الكرة والجهاز الفني رفضوا إعتذاره بعدما رفض يرجع القاهرة، لكن الحقيقة ان اللاعب تواصل مع مسؤولي الزمالك وأكد على إنتهاء جواز سفره ومحتاج يجدده قبل ميرجع، ولكن ادارة نادي الزمالك رفضت اعتذار سامسون أكينيولا وتمسكوا بتطبيق لايحة الخصومات عليه.
أما بالنسبة ل إبراهيما نداى الساعات اللى فاتت خضع لتدريبات تأهيلية بسبب إصابته الأخيرة فى العضلة الخلفية ،وفيريرا طلب منه إنه ميتسرعش فى العودة وياخد وقته لحد ما ينهى كل البرامج العلاجية والتأهيلية الخاصة بحالته.
وبيستعد الفريق الأول لكرة القدم بنادي الزمالك لمواجهة بيراميدز يوم الأحد في اللقاء المؤجل من الجولة الثالثة لمسابقة الدوري الممتاز.
زكريا الوردى مكنش الأول وشكله مش هيكون الأخير اللى هيرحل عن الزمالك قابله كان محمود علاء ويوسف أوباما وعرفنا أسباب رحيله خاصة بعد تصريحات مرتضى منصور الأخيرة،إنما لسه السؤال محير الجمهور ياترى إيه الاسباب الحقيقة لرحيل سامسون وإبراهيما؟
شاركونا فى التعليقات تفتكروا ليه كتير من اللاعبين بيرحلوا عن الزمالك ورا بعض وفى فترات قصيرة الموضوع شكله فى إن ولا إنتو رأيكوا إيه؟
