فن و مشاهير

تزوجت عشماوي وضربت على عريسها النار..أسرار مثيرة في حياة الفنانة حورية حسن

 

في حياة كل واحد فينا أسرار مخفية ويمكن كل حاجة بنرتبط بها في حياتنا يكون ورائها قصة يعني الشغل لا يخلى من الحكايات الحياة الشخصية حكاياتها شيء لابد منه.. ما بالك بحياة فنان أو فنانة يعني الحكايات كثير والأسرار وهذا ما حدث مع الفنانة حورية حسن بيوافق يوم 8 يونيو ذكرى رحيلها وعشان كده هتكتشفوا في هذا التقرير أسرار مثيرة.

بلدها طنطا

حورية حسن اتولدت يوم 9 أغسطس سنة 1932 وودعت دنيتنا يوم 8 يونيو 1994، وهي تبقى مغنية وممثلة ليها مشاركات في أوبريتات كتيرة من بينها أوبريت “الليلة الكبيرة” لمسرح العرايس.. وحورية من مواليد طنطا وكانت في طفولتها معروفة في بلدها لكن طموحها وصبها إنها تنقل على القاهرة سنة 1948 وكان عمرها وقتها معداش 16 سنة وكانت أمنيتها الوحيدة إنها تغني في الإذاعة.

الأوبريتات شهرتها

اشتهرت حورية حسن بغناء الأوبريتات لدرجة إنها اتوصفت بإنها مطربة الأوبريتات الأولى، ومن أهم الأوبريتات اللي غنتها: “معروف الإسكافي” وده أول أوبريت تغنيه في الإذاعة، وبعدين أوبريتات.. البيرق النبوي، شهرزاد، يوم القيامة، البروكة.. وكان آخر أوبريت ليها تغني فيه حمدان وبهانة سنة 1964.. ده غير إنها شاركت في أداء نشيد بسم الله من أشعار هارون هاشم رشيد وألحان كنعان وصفي وده من أناشيد الثورة الفلسطينية.

شغلها في السينما

حورية قدّمت للسينما 6 أفلام أولها “الصبر جميل”، “أحبك يا حسن”، واللي غنت فيه أغنيتين من أنجح أغانيها هما “يابو الطاقية الشبيكة” و”من حبي فيك يا جاري” وكمان أفلام “عنتر ولبلب، وبابا عريس، و في صحتك، والعلمين” وغيرهم.. حورية خدت لقب “المطربة الطائرة” عشان كانت دايماً بتسافر للدول العربية الشقيقة عشان إحياء الحفلات.. وحورية غنت أكتر من 400 أغنية.

اتجوزت عشماوي

حورية حسن انجوزت من واحد اسمه زين العشماوي وانفصلت عنه بعد فترة، وخلفت منه بنتها حنان، وكان ليها حوار نادر اتكلمت فيه عن واقعة جوازة تانية قالت فيها: “بعد ما انفصلت والدتها عاشوا في بيت لوحدهم في طنطا واتنقلت رعايتهم لأحد الشيوخ من عيلة أمها وكانت العادة إن الرجالة بيختاروا العريس لكل فتاة من العيلة.. ووقتها اتفاجئت بشاب لابس جلابية واتقدم ليها يخطبها وكان جنبه شيخ عيلتهم فصرخت ورفضا راح الشيخ ضربها على وشها عشان تقبل بالعريس.

وحورية حسن بتكمل كلامها وبتثول إنها قضت أيام تفكر في مخرج لحد ما لقت الحل في مسدس باباها خبته في ملابسها وفي ليلة الزفة ضربت الرصاص على العريس والكل كان بيصرخ والفوضى بقت هي سيد الموقف وبعدها هربت على القاهرة وبعدها والدتها حصلتها وبعد 10 سنين اتفاجئت بقرايبها حواليها وده اللي خلاها مندهشة عشان لقيت العريس اللي ضربته بالرصاص واقف في وسطيهم وبعد كده حد طمنها إن الرصاصات اللي ضربتها عليه طاشت واعتذروا ليها عن اللي حصل في حقها وسامحتهم ورجعت علاقتهت بعيلتها.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى