فن و مشاهير

النهايات أخلاق..مفاجآت جديدة وأسرار عن سر طرد حسن شاكوش لزوجته

السوشال ميديا كلها تتحدث عن خناقة مطرب المهرجانات حسن شاكوش مع زوجته ريم طارق، وفي حالة اندهاش من هذه الزيجة الغريبة التي لم تكمل شهرين.

بس اللي اتقال من ناس في العيلة عند حسن شاكوش يمس رجولته، وشكله كده اتغفل في الجوازة دي فقال مخرجش خسران بقى الجلد والسقط عشان كده استولى على الفلوس والدهب والعفش، وكل الكواليس اللي حصلت في الخناقة دي هنقولكم عليها في الفيديو ده بس خليكوا معانا للآخر.

خناقة لرب السما

الحكاية بدأت لما ريم طارق عملت محضر في جوزها ما هي لسه على ذمته لحد دلوقتي عادي، وراحت رسم على قسم شرطة أكتوبر وقالت إنها متضررة من جوزها حسن، وزي ما قال موقع صحيفة “المصري اليوم” إن ريم اتهمت حسن بطردها من عش الزوجية من كام يوم اللي مكملتش فيه شهرين وكلنا فاكرين السجدة إياها اللي سجدتها في فرحهم لما اتجوزته.

بس قصاد إنه استولى على العفش ووصل أمانة كان كاتبه بدل مؤخر الصداق ولا هتفتكر سجدة ولا غيره، ولما اتسألت عن اللي أخرها على البلاغ ده قالت إن كان عندها أمل يتصالحوا بس لما ضرب كرسي في الكلوب وبعتلها رسالة إنه عاوز ينهي العلاقة بينهم قالت مبدهاش بقى وجت تثبت حالة، بس بردوا إيه اللي يمس رجولة حسن شاكوش في الجوازة دي، هنقولكم.

إيه اللي يمس رجولة حسن شاكوش

طبعاً وسط الخناقة العيلتين لازم يتكلموا ما بينهم عن الأسباب واللي حصل وحد من المقربين في أسرة حسن شاكوش حب يجامل فصرح لموقع القاهرة 24 إن في حاجة حصلت تمس رجولة حسن وهي إنه اكتشف إن مراته ريم طارق كانت متجوزة قبل منه ومقالتلوش، وده كان راجل من محافظة في الصعيد، الغريبة إنه اكتشف ده صدفة وجن جنونه وغضب عليها وطردها من بيتها وخد الدهب ووصل الأمانة.

وحاجة زي دي متتفوتش بي الجمهور وهاتك يا أسئلة وإزاي افتكرها آنسه وهي مُطلقة، ده خبر غريب ولو طلع صح تبقى حاجة مُخلة بالشرف وحسن شاكوش بالبلدي كدة اتغفل لأنه بقاله شهرين متجوز ومكتشفش الموضوع بنفسه، وبكده هنستنى نفتح بقى قضية المنتجات الصينية.

بس في وسط الكلام ده في ناس قالت لأ دي صرحت قبل كده إنها مطلقة ومكذبتش عليه واللي بيتقال ده حاجة متدخلش العقل ومسير الأيام تبين المستخبي، بس ياترى حسن شاكوش فين من كل ده.

أول رد من حسن شاكوش

بصوا حسن طلع قال يا جماعة دي لسه مراتي ومقدرش اتكلم عليها، وكتب رسالة على حسابه في إنستجرام قال فيها إن القصة دايمأ ناقصة والبيوت فيها أسرار، وإحنا بنخاف على بنات الناس واتربينا على كده وحق الرد بيقول إن دي لسه مراتي ميصحش أتكلم عنها حتى لو حصل إيه، يمكن أهل بيتي وفريق عملي وأقرب الناس ليا أتأذوا من الحوار ده، بس بما إنها شاركت جمهوري بشيء جارح بالشكل ده يبقى كل اللي أقدر أقوله الحمد لله على نعمة السكوت والعقل وقت المشكلة، الحمد لله على كل شيء.

وكان حسن شاكوش ومراته ريم طارق اتجوزوا في شهر مارس اللي فات ده يعني مكملوش شهرين والحفل وقتها أحياه النجم تامر حسني، والاتنين ظهروا مع بعض في برنامج “العرافة”، وحصل خلاف بينهم لما سأل “شيخ العرافين” عن جوازة حسن شاكوش التانية في شقة بالتجمع وإنها مدياله سلسلة هدية وهو اداها عربية.

واتطور الموضوع لما قال إن الكلب اللي اداه شاكوش لمراته ريم طارق هدية فهو في الأصل بتاع مراته الأولى، تفتكروا القصة اللي استقالت من عيلة حسن شاكوش هي الأقرب للحقيقة وحسن فعلاً اتغفل ومراته ضحكت عليه، ولا موضوع شيخ العرافين ده هو اللي هيخرب بيتهم ومراته اكتشفت حاجات تانية لسه هتظهر الأيام الجاية؟، مستنيين آرائكم في التعليقات.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى