أخبار الاقتصاد

اشتري قبل 30 مارس …تحذير مهم للمقبلين على شراء الذهب فما السبب؟

ناس كثيرة بتكون محتارة اشتري ذهب أم أنتظر وما هو أفضل وقت مناسب للشراء، وما سر التحذير من تضييع فرصة الشراء قبل 30 مارس؟ تابعونا من خلال التقرير التالي لمعرفة التفاصيل:

اسئلة كتير بتدور في دماغنا ومش بنبقى ومش بنكون لاقيين ليها اجابات لكن خلاص النهاردة احنا هنجاوبك على كل الأسئلة دي وهنقولكم تعملوا إيه بظبط فيما يخص شرا وبيع الدهب، تابعونا:

ناس كتير بتقع في غلط كبير وهي إنها تبيع أو تشتري الدهب في وقت غلط وده طبعا بيخسرها فلوس وبيخليها متحسش إنها بتكسب من حركة البيع والشراء.

وحسب تصريحات نادي نجيب، سكرتير عام شعبة الذهب بالغرفة التجارية،قال إن الدهب دايما بيكون مش مستقر بمعنى إن سعره قابل للزيادة والنقصان وده طبعا بيتحدد من البورصات العالمية، وبما أن مصر سوق مفتوح على الخارج فاحنا كمان بنتأثر مباشرة بأي ارتفاعات أو انخفاضات بتحصل للدهب برة مصر.

قال كمان «نجيب» إن سعر الدهب استقر الفترة دي ووصل لـ 1812 دولار للأونصة. طيب هي يا ترى أونصة الدهب دي فيها كام جرام، هقولك ياسيدي بيكون وزن أونصة الذهب عيار 21 حوالي 31.103 جرام .

كمان عضو شعبة الدهب قال إن حاليا الدهب في حالة استقرار عشان كده نصح المواطنين بشراءه دلوقتي قبل أي ارتفاعات ممكن تيجي.

وقال إنه بينصح بشراءه الفترة دي عشان متوقع أنه يرجع يرتفع سعر الذهب مرة تاني طبقا للمؤشرات الحالية، وأكد كمان أن الوقت الحالي يعتبر أفضل وقت لبيع الدهب كمان خاصة إن السوق مستقر الفترة دي.

لكن أكد إن البيع يتم في حالة الضرورة عشان الناس متخسرش فلوس من قيمة الدهب بتاعها.والسؤال هنا إمتى ممكن نشتري الدهب؟

بالنسبة لمعاد شرا الذهب، فأنت تقدر تعمل كدا في أي وقت، دلوقتي بكرة، بعد سنة، مافيش مشكلة في كده خالص، لأن نسبة خسارتك فيه نسبية جدا.

نيجي للسؤال الأهم وهو.. نبيع الذهب امتى؟ اسمع الجملة دي كويس وركز فيها.. الذهب وعاء ادخاري متوسط لطويل الأجل.. يعني تشتريه ما تبيعوش إلا بعد فترة طويلة من أول سنتين.. ٣ سنين.. ٤ سنين.. وقت طويل يعني.

ولو ركزت في أسعار الذهب من ٣ سنين أو ٤ سنين هتلاقيه أقل بكتير من دلوقتي.. يعني حضرتك تصبر وما تستعجلش خالص في بيع خاصة أنك هتحتاج تبيعه جدا وقت الأزمات

لكن خلي بالك السوق المصري الفترة دي في تغيرات كبيرة في حركة البيع والشراء خاصة في سعر الدهب في مختلف العيارات.

وده لأن الأزمات العالمية الطاحنة اللي بتعشها دول العالم بتخلي الأسعار تتغير يوم بعد يوم ومش كل يوم كمان أوقات كل دقيقة أو وقت ما احنا بنتكلم معاكم في حلقتنا دلوقتي وده لأن ممكن أي خبر يأثر على سعر الدهب في لحظة وعشان كده احنا دايما بنحب نعرفكم إيه بيحصل في السوق المحلي أول بأول.

وده عشان نفيد كل المصريين خاصة الشباب المقبلين على الزواج واللي يهمهم يعرفوا انسب وقت لشراء الدهب عشان ميخسروش فلوسهم.

غير كمان أهميته بالنسبة للمستثمرين ولناس كتير بتفضل تحط فلوسها في الدهب وقت الأزمات الاقتصادية وده عشان يحموا فلوسهم من خطر التضخم وده لأن الدهب بيعتبر أفضل ملاذ يحافظ على قيمة فلوسك ويزودها مع مرور السنين.

بس الأكيد إنك لازم تخلي بالك إن في اجتماع مصيري ومهم للبنك المركزي يوم 30 من شهر مارس الجاي واللي هيتحدد على أساسه سعر الفايدة وطبعا بعد الاجتماع ده بيكون في تأثير على الأسعار وعلى الدهب أولًأ.

وعشان كده يفضل إن أي حد حابب يشتري الدهب يشتري قبل المعاد ده وده لأن أسعار الدهب ممكن تزيد بعد قرارات البنك المركزي.

دلوقتي قولونا هل بتفضلوا تحتفظوا بفلوسكم وتستثمروها في الدهب و إمتى آخر مرة اشتريتوا دهب وبكام؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى