أخبار الاقتصاد

الفرصة الأخيرة للشهادات!شهادة ثلاثية جديدة من “الأهلي المتحد” ستقلب كل الموازين

إن كان معك أموال وتريد أن تستثمرهم بشكل آمن يضمن لك زيادة تلك الأموال، فلا داعي للقلق السباق بين البنوك مازال مستمر ولم ينتهي وحتى الآن تعلن بعض البنوك عن إصدار شهادات جديدة فما القصة.؟

بنوك كتير دلوقتي بتحاول تجذب أكبر قدر من العملا، وكل بنك بيحاول يعلن عن منتجات استثمارية أفضل عشان العميل يختار يجيله ، ويستثمر فلوسه معاه، والسباق ده طبعًا بدأ بعد ما أعلن بنكي الأهلي ومصر الحكوميان عن شهادات ادخار جديدة لمدة سنة بعائد 25 بالمئة تصرف بعائد سنوي، واللي بيعتبر أعلى عائد في تاريخ الجهاز المصرفي بالبلاد.

المفاجأة بقى إن البنك الأهلي المتحد أعلن عن طرح شهادة ادخار ثلاثية جديدة بفائدة شهرية 17.25%، وربع سنوية 17.50%، ونصف سنوية 17.65%، وسنوية 18%.

وبكدة الفايدة دي هتكون الأعلى في تاريخ شهادات الادخار خاصة وإن الفايدة هتكون لمدة 3 سنوات، وهتعتبر فرصة كويسه جدا لأي حد عايز يحوش فلوسه، ويضمن إنها تزيد وقيمتها متقلش.

ولو انت قررت تشتري الشهادة الجديدة من البنك الأهلي المتحد فلازم تعرف إن الحد الأدنى لشراء الشهادة هيكون 5 آلاف جنيه، وبالمبلغ ده هتقدر تفتح شهادة ادخار وتختار العائد اللي يناسبك كمان.

طيب ليه البنوك لسه بيطرحوا شهادات جديدة ؟

هقولك ياسيدي، حسب تصريحات محمد الأتربي رئيس بنك مصر، قال طرح هذه الشهادات مرتبط بالعرض والطلب، وإن في طلبات كتير من العملاء على شهادات بعائد مرتفع وده اللي البنوك بتحاول تعمله.

قال كمان إن طرح الشهادات الجديدة مرتبط كمان بمواجهة التضخم اللي وصل لـ أعلى مستوياته في 5 سنوات.

والفترة اللي فاتت شوفنا سباق بين البنوك لإصدار شهادات بأعلى عائد لجذب مزيد من العملاء، وبعد البنوك الحكومية، دخلت البنوك الخاصة على ساحة المنافسة زي البنك التجاري الدولي والأهلي القطري، وبنك بركة، البنك العربي الأفريقي الدولي وغيرهم كتير من البنوك اللي قدمت شهادات إدخار مختلفة لكل المواطنين.

ومع بداية شهر يناير وبعد ساعات قليلة من طرح شهادات الادخار الجديدة من البنك الأهلي ومصر، سمح البنك المركزي المصري، بموجة نزول جديدة في سعر صرف الجنيه، لحد ما وصل دلوقتي لـ 29.48 جنيه للدولار، بعد أن كان سجل 24.70 جنيه بنهاية السنة اللي فاتت.
ولو انت مش عارف فـ مرونة سعر الصرف تعتبر مطلب رئيسي لصندوق النقد الدولي اللي وافق على حزمة إنقاذ مالي لمصر مدتها 46 شهرا بقيمة ثلاثة مليارات دولار في أكتوبرالماضي.

قولولنا رأيكم في الشهادات اللي طرحت الفترة دي، وهل ده فعلا الاستثمار الأفضل حاليا؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى