أخبار الاقتصاد

بشرة سارة للمصريين..بنك مصر يتيح ودائع جديدة بعائد خيالي

إن كنت من المصريين المقيمين في الدول العربية أكيد يهمك  أن تعرف ما يمكنك أن تكسبه إن أودعت أموالك في البنوك وهل هذا سيحفظ أموالك ويساعدك على كسب أموال كثيرة أم لا؟

المفاجأة بقى إن بنك مصر رفع أسعار الفايدة الجديدة على الودائع وده للعملات المصرية والعربية، ياترى ده معناه إيه وهل كدة كل المصريين في الدول العربية يقدروا يحققوا أرباح الفترة الجاية من ودائهم تعالوا نعرف الإجابة في حلقتنا النهاردة:

بنك مصر أعلن عن رفع أسعار الفايدة الجديدة على الودائع سواء بالعملة المصرية أو الأجنبية أو العربية، وده من شهر يناير، طب كده المصريين في الدول العربية هيستفادوا ازاي؟

هقولك ياسيدي كده كل المصريين في كل الدولة العربية لو قدموا على أي وديعة هيقدرا يستفادوا بالعائد الجديد اللي اتضاف من بنك مصر.

والقرار المفاجىء ده جه بعد أيام بس من قرار لجنة السياسة النقدية في البنك المركزي، برفع سعر الإيداع والإقراض لـ16.25% و17.25%، بواقع 300 نقطة أساس.

وبالقرار ده بيستهدف البنك زيادة مدخرات المصريين بالخارج في البنوك المصرية وده بعد ما تراجعت نسبة التحويلات الفترة الأخيرة حسب تصريحات محمد الأتربي رئيس بنك مصر اللي قال “الفترة الأخيرة مبنشوفش تحويلات العاملين في الخارج لأنها راحت للسوق الموازي” .

يعني مثلا لو هتعمل وديعة بالريال السعودي فإن الوديعة من 2000 حتى 100 ألف ريال تحصل على عائد 0.200% في فترة من شهر لشهرين، أما الوديعة من 3 لـ6 شهور تكون عائدها 0.300%، أما السنة تصل إلى 0.625%. طيب هل تراجع أو زيادة نسب استثمارات المصريين بالخارج وتحويلاتهم بتأثر علينا؟

طبعًا بتأثر علينا وده لأنة موارد مصر من النقد الأجنبي بتكون من السياحة والتصدير وقناة السويس وطبعًا في مقدمتهم تحويلات المصريين بالخارج. وعشان كدة الدولة بتستهدف خلال 2023 تنفيذ خطة لتوفير كل الفرص للمصريين بالخارج اللي تساعدهم على الاستثمار في وطنهم في كل المجالات اللي يحبوها.

” بنسعى لتوفير أدوات استثمارية مميزة للمصريين العاملين بالخارج.” بالجملة دي أكد أحمد صبحي رئيس قطاع الاستثمار ببنك مصر على ترحيب البنك بالتعاون وتوفير كافة سبل الدعم والمساندة للمصريين العاملين بالخارج.
قال كمان إن بنك مصر حريص على توفير طرق استثمار مختلفة للمصريين العاملين بالخارج خاصة و إنهم ليهم دور مهم في دعم الاستثمارات المحلية، زي الشهادات الاستثمارية اللي بيقدمها البنك بالدولار وبتكون بـ عائد مرتفع.

ولو انت من المصريين في الدول العربية وبتشوفنا دلوقتي أحب أقولك إن فرصتك جتلك لحد عندك وده لأن البنك الأهلي المصري و بنك مصر، طرحوا الأسبوع اللي فات ، شهادات بـ عائد مرتفع، بسعر فائدة 22.5%، يصرف شهريا، و25% بعائد يصرف سنويا لمدة سنة واحد ودي تعتبر فرصة كويسة جدا للاستثمار الفترة دي.

قولنا بقا لو انت من المصريين بالخارج مستنى إيه عشان تحافظ على تحويشة الغربة؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى