هل تتخيل أنه من الممكن أن تهاجر لبلد أوربية وتأخذ الإقامة وليس هذا فقط، حيث أنه يمكنك أن تدرس وتعمل وتحصل على راتب نحو 200 ألف جنيه في الشهر، فهل تتخيل ذلك؟ هذا الكلام حقيقي في 2023، ومن خلال التالي سنعرف كيف يمكنك الحصول على مثل هذه الفرصة فتابعونا:
لو انت زي شباب كتير عايز تهاجر لـ الدول الأوروبية وتستقر هنقولك على دول مش بس بترحب بوجود المهاجريين لا دي كمان بتتضمن ليهم الاستقرار المادي والتعليمي، طيب إيه هي وإيه الامتيازات اللي بتقدمها ؟
بص ياسيدي عندك دول كتير أهمهم ألمانيا ، وده لأنها تعتبر من الدول الأولى وده لأنها بتوفر الأمان والمستوى الدراسي المتميز في جامعاتها غير كمان إنها بتوفرلك فرص عمل تقدر تساعدك تبدأ مهنتك وده لأن فيها خيارات كتيرة للعمل وجامعات كتيرة مناسبة للدراسة الليي بتكون عبارة عن منح ممولة يعني هتدرس مجانا وهتاخد كمان مصروف شهري.
أما بقى لو تقدر تتحمل الجو المتلج، فكدا الهجرة إلى كندا هتكون الحل المثالي ليك، وده لأنها وفرت أكتر من 60 برنامج للهجرة وتقدر قبل ما تسافر تختار المناسب ليك حسب مؤهلاتك العلمية والعملية والمواهب اللي عندك .
كمان بتعتبر نيوزيلندا من افضل الدول للهجرة في السنوات الأخيرة خاصة الأشخاص الذين يبحثون عن فرص العمل في نيوزيلندا، وده لأن الإقتصاد النيوزيلندي مشهور بـ ازدهاره الكبير غير كمان إنها بتعاني من نقص الأيد العاملة وعلطول بيطلبوا ناس تشتغل هناك.
أما الدنمارك بقا فتعتبر في 2023 من أفضل الدول الأوربية للهجرة وده لأنك مجرد ما بتدخل هناك بتقدر تاخد إذن الإقامة وتصريح العمل في الحال.
أما سويسرا بقا فعندها معدل البطالة منحفض جدا، وعشان كده فيها اعلى معدلات للأجور في العالم، وده لأن الاقتصاد بتاعها قوي و مدعوم بمعدلات الضرائب المنخفضة اللي بتفرضها الحكومة على الشركات.
وطبعًا سويسرا من أكتر الدول الجاذبة للعمالة وده لأن متوسط المرتبات فيها بيوصل لـ6502 فرنك سويسري، بما يعادل 6860 دولار شهري، شوف بقا دول يعملوا أكتر من 200 ألف جنيه بالمصري يابلاش والله.
وعندك بقى فرصة قوية للهجرة لـ تشيك، وده لأنها من أكتر الدول اللي بتهتم بالمجال التقني والخدمي وبتوفر وظايف كتيرة للعمل في المجالات دي، كمان بتألهلك إنك تفتح مشاريع خاصة بيك وبتسهلك الحصول على تمويلات ليها.
أما بقى الدنمارك فتعتبر من البلاد المتاحة والسهلة للهجرة، وده لأن شروطها بسيطة وإجراءات الإقامة بتاعتها مش بتاخد مجهود كبير.
ده غير إن مجالات الشغل فيها كتير جدًا زي الطب والهندسة بمعظم فروعها والدراسات الأكاديمية، وبتشترط إن تدرس لمدة 4 سنين وبعدها بتسمحلك تجدد إقامتك وتشتغل فيها وتوفرلك مزايا كتيرة.
قولنا لو بتفكر تهاجر لدولة أوربية هتختار إيه من الدول دي؟
