شهادة جديدة للمصريين في السعودية بأعلى عائد بالريال السعودي..تعرف على التفاصيل

لو انت من المصريين المقيمين في المملكة العربية السعودية تخيل إنك تستطيع أن تشتري شهادة ادخار بالريال السعودي وتحقق بها مكسب كبير يضاعف فلوسك.

فيا ترى الشهادة دي موجودة في بنك ايه؟ وايه الفرق بينها وبين الشهادات الدولارية الموجودة في باقي بنوك مصر؟ وتفتكروا العائد عليها اعلى ولا العائد على الشهادات الموجودة فعلا؟

البنك التجاري الدولي عودنا إنه يقدملنا عروض وباقات مميزة من الشهادات الادخارية، بس المرة دي مش بس هيقدمها بالجنيه المصري لأ ده كمان في شهادات بالعملات الأجنبيه وده عشان يلبي كل احتياجات المواطنين

والمفاجأة النهاردة إن البنك بيوفر شهادة ادخار ثلاثية بالريال السعودي واللي تعتبر واحدة من أهم شهادات الادخار بالعملات الأجنبية واللي بيقدمها البنك التجاري الدولي بسعر عائد يوصل لـ 5.25% وبحد أدنى لإصدار الشهادة 5000 ريال سعودي بس.

والجميل بقا إنك هتاخد العائد بتاعك بالريال السعودي وده اللي هيضمنلك إن فلوسك هترجعلك بنفس قيمتها.

فمثلا لو حطيت مبلغ 200 ألف ريال سعودي في الشهادة الثلاثية اللي بالعائد الثابت بالريال السعودي من البنك التجاري الدولي هتاخد 875 ريال سعودي كل شهر، وهتقبض 10,500 ريال سعودي كل سنة، وفي نهاية المدة هتاخد 31,500 ريال سعودي.

اما بقى لو بتسأل عن معاد صرف العائد فبيكون شهري، والمفاجأة انك ممكن تربط الشهادة من غير ماتضطر تروح البنك، وده عن طريق خدمة الإنترنت البنكية والخدمة المصرفية وتقدر تتابع كل حاجة تخصها بتليفونك من أي مكان وكمان تقدر تروح أقرب فرع ليك لو حبيت

وطبعا متقدرش تكسر الشهادة الا بعد مرور 6 شهور على تاريخ الشراء، وقيمة غرامة الاسترداد بتختلف حسب معاد كسر الشهادة عشان تبقى 4.75% في السنة الأولى، و3.75% للسنة التانية، و3.50% للسنة التالتة.

ولو بتسأل عن المستندات المطلوبة ف أنت مش هتحتاج غير بطاقة الرقم القومي أو جواز سفر ساري للأجانب
وكمان هتحتاج وصل مرافق حديثة سواء وصل كهرباء أو غاز وأي إثبات لدخلك وكمان إثبات الإقامة الدائمة للأجانب.

والمفاجأة بقى إن بنك cib بيقدم الشهادة دي بردو بالريال القطري والدرهم الإماراتي.

وعشان كده ناس كتير أو تقدر تقدم عليها وتستفاد منها وده لأنه طرحها بـ 3 عملات خليجية، وطبعا عمل كده لأنه بيستهدف منها العمالة المصرية الموجودة في السعودية وقطر والإمارات

ولو بتسأل عن الفرق ما بينها وبين الشهادات الدولارية فـ البنك في بيان ليه قال إنه بيبيع الشهادة دي سواء بالريال القطري أو السعودي والدرهم الإماراتي من أول 5 الاف وحدة لأي عمله فيهم.

وبكده عائد الشهادة دي هيكون نفس العائد اللي بيقدمه البنك للشهادات الدولارية اللي مطروحة بنفس الأجل ده وهو 3 سنين
دلوقتي قولنا لو انت في السعودية أو قطر أو الإمارات هتفضل تستثمر فلوسك في شهادة الادخار الجديدة من البنك التجاري الدولي ؟