أخبار الاقتصاد

شهادة جديدة من بنك القاهرة تقلب كل الموازين فهل تتفوق على شهادة الـ25%؟

إن كنت تنتظر من أجل التقديم على شهادة البنك الأهلي الجديدة الـ25% أو شهادة البنك التجاري الدولي ومازلت محتار ولم تأخذ القرار، فإن الفرصة تناديك شهادات إدخار جديدة هيطرحها بنك القاهرة و هيقلب بيها كل الموازين وهتنافس كل الشهادات التي ٌطرحت قبلها .
طب إيه قصة الشهادة الجديدة دي وهل هتكون بعائد أكبر من 25% ، تعالوا نعرف التفاصيل كلها من خلا التقرير التالي:

الأيام دي بيستعد بنك القاهرة عشان يطرح شهادات إدخار جديدة هتنافس شهادات ادخار 25% والشهادات التي طرحها البنك التجاري الدولي في الأسواق مؤخرا، وده لأنها هتكون بفائدة كبيرة جدَا ومدة ادخار أطول.

المعلومات أكدت إن الشهادة الجديدة هتكون مفاجأة للسوق كله وده لأنه في احتمال إنه يتم طرحها بقيمة 20% لكن لمدة 3 سنوات، ده غير كمان إنه هيصدر شهادات تانية لمدة سنة و شهادات لمدة سنة ونص.

وطبعًا كلنا سمعنا الفترة الأخيرة عن شهادات الادخار اللي طرحها البنك الأهلى ومصر واللي كانت بفايدة 25% لمدة عام وطبعا انت هتقدر تصرف الشهادة في نهاية المدة بعد سنة واحدة ، و كمان شهادة ادخار تانيه لمدة عام بفايدة 22.5 % والفايدة دي هتقدر تصرفها شهرياً.

أما بقى البنك التجاري الدولي فأعلن عن طرح شهادة إدخار جديدة لمدة سنة ونص يعني 18 شهرً، واللي تعتبر بأعلى فائدة بين البنوك الخاصة اللي شغاله في السوق المصري.

وده لأن الشهادة الجديدة العائد بتاعها ثابت و بالجنيه المصري بنسبة 20% يصرف شهريا و 22.5% يصرف بعد سنة ونص.

لكن خلي بالك بنك التجاري الدولي حدد الحد الأدنى لشراء الشهادة 100 الف حنيه ومضاعفات الألف جنيه، وقال إن الشهادة هتتوفر من النهاردة في فروع البنك وكمان تقدر تقدم عليها من خلال الوسائل الالكترونية المختلفة.

لماذا تطرح البنوك شهادات جديدة؟

هقولك يا سيدي، طرح شهادة الادخار الجديدة بيكون بالتوازي مع متوسطات الفائدة الجديدة اللي اعلنها البنك المركزي وده لأنه رفع أسعار الفائدة في اخر اجتماع للجنة السياسات النقدية بحوالي 300 نقطة أساس.

وعشان كده بعض البنوك العاملة في السوق المحلية خلال الفترة دي، بتدرس تحريك أسعار الفائدة على منتجاتها المصرفية من القروض والأوعية الادخارية، زي الحسابات والودائع والشهادات.

والسبب في ده إن بعض العملاء اتجهوا لـ كسر الشهادات اللي اشتروها من البنوك دي عشان يلحقوا يفتحوا الشهادة الجديدة اللي اصدرها البنك الأهلي وبنك مصر بعائد 25% واللي تعتبر أعلى فايدة في السوق دلوقتي.

وفعلا حققت أكبر نسبة مبيعات وده بعد ما وصل حصيلة بنك مصر والبنك الأهلي أكتر من 120 مليار جنيها في أول 4 أيام بس من طرح الشهادة الجديدة، غير كمان إننا شوفنا طوابير كتيرة جدا قدام فروع البنوك خلال الفترة اللي فاتت واللي كانت مليانة بمواطنين عايزين يلحقوا يقدموا على الشهادة.

قولنا بقى لو معاك قرشين هتفضل تقدم على شهادة الـ25% ولا تستنى شهادة بنك القاهرة؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى