أخبار الاقتصاد

طوارئ في الشركات بسبب نقص الريال السعودي قبل أيام من موسم الحج

مع اقتراب موسم الحج معروف إنه بتبدأ البنوك وشركات الصرافة توفر الريال السعودي من أجل العملاء الذين سيسافروا لأداء فريضة الحج للموسم هذا.

لكن المرة دي الموضوع مش وواضح إن في مشكلة في السوق بسبب صعوبة توفير الريال السعودي، بس ياترى إيه اللي البنوك هنتعمله والناس هتسافر إزاي وهل هيقللوا الكميات المسموحة ليهم؟

البنوك والصرافات الايام دي بتستعد عشان توفر بشكل نقدي الريال السعودي للعملاء المسافرين لأداء فريضة الحج خلال الأيام الجاية!

لكن المفاجأة إنه حسب كلام من مسؤولي بنوك وشركات صرافة اتكلموا مع موقع مصراوي، فـ حاليا السوق بيعاني من ضعف في تدفقات النقد الأجنبي وزيادة حجم الطلبات.

وعشان كده بدأوا يوفروا للعملاء عملات التانيه زي الدولار أو اليورو بديلًا عن الريال السعودي

واللي يطمن شويه إن المسؤلين في البنوك وشركات الصرافة أكدوا إن فروعهم هتوفر العملة الصعبة للمسافرين بغرض الحج وفق الحدود القصوى المسموح بيها للعميل وتوافر حجم المعروض، وده طبعا بعد ما يتأكدوا ويشوفوا بنفسهم الأوراق اللازمة للسفر.

وكانوا شايفين إن أزمة نقص المعروض من الريال السعودي كانت بسبب تراجع تنازلات العملاء عنه في البنوك والصرافات

والغريبة إن في 3 من مسؤولي شركات الصرافة أكدوا لمصراوي في تصريحاتهم إن الريال السعودي مش متوفر بالشكل الكافي عندهم وده لأن حصيلته اليومية قلت بكتير عن حصيلة الدولار واليورو وده بسبب تداوله في السوق السوداء بسعر أعلى من السعر الرسمي.

وقالوا إن اللي حصل ده كان بسبب إن بعض المصريين اللي شغالين في الخارج بدأوا يبيعوا الريال السعودي اللي معاهم لـ شركات الصرافة اللي شغاله في دول الخليج بسعر أعلى بكتير طبعا من السعر الموجود في مصر سواء بقى في البنوك أوالصرافات وده اللي اتسبب في أضرار في حجم الحصيلة المتداولة في السوق المصري

مش بس كده ده كمان مدير فرع من فروع البنوك الحكومية الكبرى قال لمصراوي، إنه حاليا في تعليمات بالتدبير النقدي للريال السعودي للعملاء أو ما يعادله من العملات الأجنبية الأخرى لعملائها المسافرين لأداء فريضة الحج

لكن تم تقليص حدود تدبير الدولار للعملاء المسافرين بنسبة 50% بالمقارنة بـ السنة اللي فاتت وده بسبب أزمة نقص المعروض من النقد الأجنبي وزيادة حجم الطلبات، وعشان كده مش هيزيد معدل الصرف عن 1000 دولار كحد أقصى لكل عميل بس.

وكمان البنوك بتسمح للعملاء باستخدام بطاقتهم المصرفية خارج مصر للشراء أو السحب النقدي لكن في حدود ضيقة للغاية كل شهر، مع وجود عمولة بتتخصم بتوصل لـ 13% من إجمالي قيمة السحبة الواحدة، ده غير بقا رسوم ثابتة بتوصل لـ 50 جنيها على كل سحبة بغض النظر عن قيمتها.

ولو انت من الناس اللي هتسافر خلي بالك وده لأن البنوك ربط تفعيل استخدام العميل للكارت المصرفي خارج مصر بـ اتصال العميل بالخط الساخن للبنك التابع ليه، وده عشان يأكد على سفره ويضمن قبل ما يسافر إن الكارت يتفعل.

ولو بتسأل عن الأوراق المطلوبة لتدبير العملات

فبتشترط البنوك والصرافات الإطلاع على أوراق السفر عشان تتأكد من حاجة العميل للعملة وعدم استخدامها في المتاجرة في السوق السوداء، وده طبعًا بتعليمات صادرة من فترة من البنك المركزي

وبتشمل الأوراق المطلوبة صورة من تأشيرة السفر وجواز السفر وتذكرة الطيران وتوقيع العميل على طلب تدبير عملة.

لو هتسافر للحج قولنا تجربتك في الحصول على الريال وهل فعلا أخدت دولارات أو يورو بديل عن الريال؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى