كان يعرف واحدة أخرى عليها لذلك تركته ، لكنه صدمها ولقح عليها بالكلام ، هذا ملخص ما حدث بين الفنانة نسرين طافش وطليقها شريف شرقاوي، والذين أعلنوا انفصالهم منذ أيام بكل هدوء، لكن ما حدث بعد ذلك غريب وجعل الناس كلها تهاجم شريف شرقاوي.
بعد ما نسرين طافش اعلنت انفصالها رسمي عن دكتور شريف شرقاوي وكتبت ستوري على انستجرام وطلبت من الناس يحترموا خصوصيتها ومسألوش كتير عن اسباب الانفصال ده.
وبدأت نسرين رحلتها مع الموف اون بعد علاقة حب وجواز سنة كاملة ، واول حاجة عملتها نسرين بعد الانفصال زي كتير من الستات ، راحت تعمل نيو لوك وغيرت لون شعرها وعملت ضوافرها ،وبدات تنشر صور وستوريهات عليها حكم من بتوعها.
وقالت نسرين كلام فيما معناه انها مش فارق معاها اي حاجة غير نفسها وحياتها ، وانها هتفضل ز ماهي مش هتتغير
مفيش حد منهم طلع قال ايه اسباب الانفصال، لكن شريف شرقاوي عمل حركة اتحسبت عليه ومتطلعش من راجل ، ولقح على طليقته بالكلام مش حلو ، ولما الناس كلها هاجمته فورا مسح اللي كتبه.
شريف حب يعلي على طليقته نسرين طافش ويحسسها بقيمته واد ايه هي خسرته بقى ويخليها تندم ، راح ناشر صورة لواحدة وكتب عليها: «عندما نترك الماضي لأنه قديم وكاذب ومزيف «بلاستيك مزيف».. للوصول لما هو صادق وحقيقي كالماس، قريبا هتعرفوا مين؟
الراجل عك الدنيا على الاخر ، وكأنه بيقول لكل الناس انه كان يعرف عليها واحدة واهي يا جماعة وكمان هقولكم قريب مين دي.
وكدا الناس فهمت ان نسرين طافش انفصلت عن شريف شرقاوي بسبب انه مكنش مخلص ليها وكان على علاقة بواحدة تانية ، وبالتالي الست ليها حق تطلب الطلاق ، لكنها حتى الان مردتش ولا علقت ولا قالت كلمة واحدة وحشة في حقه ، ولا حتى قالت انه كان يعرف عليها واحدة بعد اللي هو عمله.
ولما ناس كتير هاجمت شريف شرقاوي وقالوله ان اللي بتعمله ده ميلقش براجل محترم وازازي تتكلم عن طليقتك بالشكل ده خاصة انها فنانة معروفة ، حس ان الحركة اللي عملها هتتقلب ضده ، وقرر يمسح البوست اللي كتب فيه الكلام ده لكن حظه السيئ انه ناس كتير كانت شيرت البوست وصورة البنت الجديدة اللي يعرفها شريف شرقاوي و الكلام اللي مكتوب عليها.
نسرين ملتزمة الصمت ومعلقتش لما طليقه وصفها بالبلاستيك المزيف ، ومكملة رحلتها مع الموف اون وشايفة انه ميستاهلش حتى انها تطلع ترد عليه وتعمله قيمة
ومن اول ماتجوزته وكانت ناس كتير متفاجئة من جوازتهم دي ، هو كان بيدربها يوجا وكان بيروحلها كتير البيت يعلمها خاصة وانه خبير طاقة زي مابيقول ، وكان بيساعدها تتجاوز مشاكل كتير في حياتها ، ومع الايام حبوا بعض واعلنت نسرين انها اتجوزته بشكل مفاجئ، ونشرت صورة ليهم مع بعض من بيتها وكتبتما جمعه الله لا يفرقه أحد، اللهم بارك هذه الوحدة واحفظ هذا الحب الأبدي دائمًا وأبدًا».
وبعد كام شهر من جوازهم ، انفصلت نسرين عن شريف في نوفمبر السنة اللي فاتت ولغت متابعته على كل وسائل التواصل الإجتماعي ، ومسحت كل صورها معاه من على انستجرام.
لكن في شهر ابريل اللي فات رجعوا لبعض تاني واتصالحوا بعد 6 شهور انفصال ، لكن للأسف انفصلوا رسمي تاني بعد اقل من 3 شهور لما أعلنت نسرين الخبر من كام يوم.
محدش يعرف اي اسباب لانفصالهم ،لكن واضح ان شريف عمل حاجة وبيحاول يوحش صورة نسرين بأي طريقة لكن هي ست عارفة الاصول وساكتة ومش عايزة تتكلم في القصة لحد دلوقتي.
خاصة وان في واحدة طلعت من فترة وقالت انها طليقة شريف شرقاوي وفضحته وقالت انه كان بيضربها وكشفت كل بلاويه ، وانه كان متجوز 4 قبل نسرين ، وانه ضحك عليها.
وواضح كدا ان القصة دي طلعت حقيقية لانه بعد الخبر ده بايام قليل، اعلنت نسرين طافش انفصالها رسمي ، وهو كشفانه على علاقة بواحدة جديدة
ياترى الحقيقة فين ؟
ذ
