أخبار الاقتصاد

كيف تستفيد مصر من قرار إدراج الجنيه ضمن قائمة العملات مقابل الروبل الروسي؟

ماذا يعني أن تبدأ مصر تتعامل مع روسيا بالروبل والجنيه المصري؟ هل بذلك تكون الحكومة المصرية قدرت تتخلص من أزمة الدولار التي واجهتها خلال السنة الماضية وبهذا في 2023 الجنيه هو الذي يقرر مصيره؟، وهل ممكن دول ثانيه تعتمد الجنيه في تعاملاتها التجاريه مع مصر؟ تعالوا نعرف الإجابات دي من خلال التقرير التالي:

في البداية لازم  تعرف إن البنك المركزي الروسي أعلن في بيان ليه ضم عدد  من العملات الجديدة لقائمة العملات الأجنبية اللي بيتعامل بيها المركزي الروسي، ومن ضمنهم كان الجنيه المصري.
يعني كدة مصرهتقدر تستورد من روسيا بالجنيه؟

أيوة ده اللي هيحصل فعلا ومش هنحتاج الدولار في تعاملاتنا مع روسيا تاني، وده بعد ما فاجيء البنك المركزي الروسي الكل بإعلانه اعتماد الجنيه المصرى ضمن عدد من العملات الأخري في قائمة التعاملات مع الروبل.

طيب وده معاناه إيه؟

بص ياسيدي ده معاناه إن الجنيه حقق انتضار كبير في أسواق المال العالمية والقرارا ده هيتعبر نقلة كبير ة في مسيرة الجنيه المصري واللي أكد خبراء الاقتصاد إنها هتنعكس بالايجاب بلا شك على مستقبل التعاملات عليه الفترة اللي جاية.

طيب هل ممكن دول تاني تاخد نفس القرار اللي أخدته روسيا؟

الإجابة هي أيوة طبعا ممكن وده لأن السعودية لمحت إنها بتفكر فيه فعلا

مش بعيد خالص إن دول كتيرة تعمل كده عشان تتخلص من أزمة نقص الدولار وارتفاعه بشكل مش طبيعي، وعندك مثلاً محمد الجدعان، وزير المالية السعودي، قال إن المملكة العربية السعودية منفتحة على المناقشات بشأن التجارة من خلال استخدام عملات بخلاف الدولار الأمريكي.

قال كمان “الجدعان” إنه السعودية مش هتتجاهل  أي نقاش  هيساعد في تحسين التجارة في جميع أنحاء العالم”.

طيب تفتكروا إيه الهدف من إدراج الجنيه المصري في البنوك العالمية؟

طبعا بدون شك إدراج الجنيه المصري على قائمة العملات الروسية ده كان أحد أهداف الدولة لتخفيف الطلب على الدولار

وخبراء المال أكدوا أن إدراج الجنيه المصري وتحديد سعر ليه مقابل الروبل هيساعد الدولة المصرية  إنها متحتاجش لـ عملة الدولار في تسوية المعاملات التجارية مع روسيا.

وطبعا منقدرش ننكر إن مساحة التجارة بين مصر وروسيا كبيرة جدا، وده لأن مصر  بتعتمد على استيراد جانب من احتياجاتها من روسيا، خاصة بعض   السلع الأساسية، زي مثلا القمح وبالتالي في حجم تعاملات تجارية كبير بين البلدين .

وبحسب الخبراء  قالو إنه في الغالب إنه مصر وروسيا هيحددوا قيمة عملة البلدين بالاتفاق ما بينهم وده هيسهل عملية التبادل التجاري بين البلدين والاعتماد على عملة الدولتين في التعاملات التجارية.

غير كمان إن تخليص المعاملات التجارية بالعملة المحلية للبلدين هيساعد في تخفيف الطلب على العملات الأجنبية الأخرى زي الدولار، كمان هيياعد في سرعة تدفق التجارة بين البلدين وده لأنهم مش هيعتمدوا على عملات أجنبية تانيه بعيده عن عملاتهم الرسمية.

كمان التعامل بالجنيه في البنوك المركزية العالمية هيقلل احتياج  الحكومة المصرية للاعتماد على قروض خارجية لتلبية احتياجات مصر الدولارية .

قولنا رأيك في قرار البنك المركزي الروسي وهل ممكن السعودية ودول تانيه كير تاخد نفس القرار؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى