أخبار الاقتصاد

لو معاشك 900 جنيه ..طريقة الحصول على قرض نصف مليون جنيه من البنك الزراعي بصورة البطاقة فقط

لو انت من أصحاب المعاشات وتحتاج فلوس أموال في أمر ما أو لكي تقوم بعمل مشروع صغير عندك فرصة تقدم على القرض الشخصي والذي يقدمه البنك الزراعي المصري لأصحاب المعاشات.وإن كنت تسأل عن طرق التقديم على القرض والشروط المطلوبة للحصول عليه تابعنا من خلال التقرير التالي:

البنك الزراعي المصري بيقدم لأصحاب المعاشات، إمكانية الحصول على قرض شخصي، يبدأ من 5 آلاف ويوصل لـ نص مليون جنيه.

أما المستندات المطلوبة عشان تاخد القرض ده:أول حاجة لازم تاخدها معاك هي صورة الرقم القومي وتتأكد إنها تكون سارية، كمان يكون معاك تعهد بتحويل المعاش.وطبعا خد وانت رايح خد معاك إيصال مرافق حديث مثلا وصل نور أو ماية أو غاز.

أما بقى مميزات القرض الشخصي لأصحاب المعاشات من البنك الزراعي، ف خلي بالك إن الحد الأدنى للقرض ده يكون معاشك مش أقل من 900 جنيه .

ومن مميزات القرض إنك هتاخده بعائد سنوي متناقص وبفائدة متناقصة 24.25% ودي بتعادل حوالي 13.47% ثابتة.وكمان هتاخد تأمين على الحياة.

والبنك بيقدملك تسهيلات في السداد، وكمان وثيقة تأمين على الحياة.الجميل بقا إن مبلغ التمويل مش هيقل عن 5 آلاف جنيه، والحد الأقصى هيكون 500 ألف جنيه.

وعلى فكرة ده مش القرض الوحيد اللي بيقدمه البنك الزراعي بدون شروط كتيره، عندك مثلا قرض باب رزق وقروض تانيه كتير بيقدمها للمصريين

وده لأن البنك الزراعي المصري بيوفر العديد من برامج التمويل لعملائه من الأفراد، واللي بـ تتميز بسهولة الإجراءات وبيديك مميزات كتيرة منها إن البنك بيديلك فترات سداد متنوعة توصل لـ 10 سنوات.

فمثلا البنك الزراعي المصري بيدي للموظفين فرصة الحصول على قرض توصل قيمته لـ مليون جنيه، وبيديك مهلة سداد لحد 10 سنوات، سواء بضمان تحويل الراتب أو لا، وفايدة القرض بتكون 24.25% متناقصة، يعني حوالي 13.47%.

كمان البنك الزراعي بيقدملك قرض بضمان الشهادات وحسابات التوفير والودائع، فمثلا ممكن العملا اللي عندهم أوعية ادخارية، من الشهادات والودائع وحسابات التوفير أو حتى البطاقات المختلفة من البنك الزراعي، يقدروا وقتها يطلبو الحصول على قروض، والقروض دي بتكون بضمان الوعاء اللي انت مقدم فيه في البنك، بتمويل يوصل لحد 90% من قيمتة الشهادة

الجميل بقا إن الفايدة بتكون 2% بس زيادة عن سعر العائد اللي انت مقدم بيه على الوعاء الادخاري بتاعك ، وبتقدر تسدد القرض ده بفترات سداد توصل لحد 10 سنوات.

عندك كمان قرض «باب رزق» من البنك الزراعي، وده البنك بيقدمه لأصحاب المهن الحرة من صغار الحرفيين وأصحاب المشروعات الصغيرة، بفايدة 12.25% متناقصة يعني حوالي 7% ثابتة.

الجميل في القرض ده إنك مش هتحتاج تقدم أي ضمانات زي تحويل مرتب أو غيره، وبتكون فترات السداد بتاعته من 6 إلى 12 شهر، وقيمة القرض تبدأ من ألفين جنيه وتوصل لحد 10 آلاف.

وأهم حاجة في أي قرض انت هتقدم عليه إنك تكون حاسب حسبتك كويس ولو فكرت تعمل مشروع تعمله دراسه جدوي عشان تعرف هتحتاج فلوس قد إيه واحتمال تحقق أرباح كام وهتسدد في وقت قد إيه

دلوقتي قولولنا رأيكم في القروض اللي بيقدمها البنك الزراعي المصري للمواطنين ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى