في اول تعليق لها، قالت الحاجة فايزة، إحدى شهود عيان انفجار معهد الأورام إنها كانت متواجدة في معهد الأورام منذ 20 يوما.
وأضافت «فايزة» والدة الطفل عبد الرحمن خلال مداخلة هاتفية ببرنامج «حضرة المواطن»، المُذاع عبر فضائية «الحدث اليوم»: «كنت محجوزة في معهد الأورام علشان ابني كان تعبان شوية، وفجأة سمعنا صوت فرقعة».
وأشارت: «وقت الانفجار أنا كنت قاعدة جنب السرير اللي تحت الشباك، والانفجار هز المستشفى كلها والشباك سقط على الأرض وخبطني في دماغي، وفيه إزاز من الشباك وقع على عبدالرحمن ابني».
وأوضحت: «فيه ناس نزلتنا من المعهد، ولقينا عربيات بتنقلنا لمكان تاني».
