كشفت والدة إبراهيم شيكا لاعب نادي الزمالك الراحل، بأنها تقدمت ببلاغ ضد أرملته لأنها تشك في وفاته وإصابته بالسرطان، وذلك من أجل تشريح الجثمان، خاصة وأن البعض تداول وجود شبهة بسرقة أعضائه.
أزمة إبراهيم شيكا
وقالت الأم: الناس لما هاجمت أرملته من شهور لقيتها جات لي عند العمدة في البد عندنا وقعدت معايا واتصورت ومتدنيش أي حاجة.. وأنا دلوقتي عاوزه حق ابني اللي أخدوه لحم ورموه عضم والافترا والظلم معانا مينفعش.
وتابعت: أرملته واخده مفاتيح المقابر بتاعت ابني علشان محدش يروح وبنقف قدام الباب لما بنزوره.. وروحنا له المقابر علشان نجبر بخاطره وهو حاسس بينا ودعينا له.
وأضافت الأم: ابني مكنش تعبان وكان رياضي وصرفت عليه دم قلبي وصحته كانت ميه ميه.. ولما اطلق منها ورجعت له تاني بعدها تعب وحالته اتدهورت.
واختتمت والدة إبراهيم شيكا تصريحاتها، قائلة: تقدمنا ببلاغ وأنا شكه في موت ابني وأنا حاسه بيه وإنه مامتش طبيعي.. وأرملته ملهاش الحق إنها تعرض صفحاته على السوشيال للبيع لأنها ملك ابني.
