حل كل من الفنان أحمد السقا والفنان باسم سمرة، الساعات الماضية، ضيوفا في برنامج الحكاية مع الإعلامي عمرو أديب.
وخلال اللقاء كشف أحمد السقا، طبيعة مرضه بعد انتشار أنباء عن تعرضه لوعكة صحية إلى جانب ظهوره بوجه شاحب وشكل مرهق.
أحمد السقا يكشف طبيعة مرضه.. ورد غير متوقع من عمرو أديب
وقال السقا: “شيلت المرارة بس، والحمد لله قدر الله وما شاء فعل، بتمرن مع طلائع الجيش كل يوم وصحتي كويسة.”
من جانبه علق عمرو أديب: ” أنت الوحيد اللي نقدر نقول إنك معدي عمرو دياب في الصحة.”
وفي سياق متصل كشف باسم سمرة خلال اللقاء، عن عن كواليس مسلسل العتاولة والصعوبات التي واجهتهم في العمل.
وقال باسم: “أحمد السقا اشتغلت معاه أكتر من مرة، وأحمد خالد موسى كذلك، وأول مرة مع طارق لطفي وبعد يومين بقينا صحاب، وبحب اشتغل وأنا مرتاح مش وأنا متوتر أو أوقلقان، لازم أكون مرتاح واللي حواليا مبسوطين فيحصل إبداع.”
وتابع: ” أحمد السقا كان هيموتنا.. كنا قاعدين في لوكاندة في إسكندرية بنصور هناك، وكان فيه عاصفة شديدة اسمها عاصفة السحب وهي نوى سحب اللي في الشارع بيتسحب على البحر، وإحنا في الدور الثامن وأحمد قال عاوز اطلع البلكونة وفتح الباب وخرج ولقيته بيتسحب وطاير من البلكونة وأنا ماسك فيه.”
اقرأ ايضا:
عمرو أديب: «قول المال الحلال أهو للزمالك».. رد مفاجئ من مصطفى أبو سريع
