عمر كمال عندما عن علاقته بربنا جاوب إجابة مثيرة للجدل، وتسبب في حالة من الانتقاد الكبير على كل صفحات السوشيال ميديا، و كشف عمر كمال لأول مرة عن علاقته بالشيخ محمد حسان، في التقرير التالي سنعرف مالذي قاله عمر كمال ونكشف لأول مرة عن سر خلافه مع الفنانة سمية الخشاب!.
الدنيا قامت ماقعدتش، بسبب كلام عمر كمال عن علاقته بربنا في لقائه مع المذيع نزار الفارس عبر شاشة القناة العراقية الرشيد، وقال عمر كمان إنه مش مستعد للقاء ربنا دلوقتي وقال إن احساسه إن ربنا رب قلوب وإنه بيعمل حاجات خير كتير أوي علشان تعدي حاجات تانية.
كمان قال عمر كمال، إنه أخد عهد على نفسه إنه مش هظهر تاني مع راقصات في إي كليب أو حفلات مرة تانية، وقال إن الوعد ده قدام ربنا ومش هيرجع تاني في الكلام ده، وكمان قال إن القرار ده جه بعد رد فعل الجمهور إللي رفضوا ظهوره مع راقصات في كليبات، وإن صوته مش محتاج لراقصات علشان ينجح إي أغنية أو كليب.
وعن علاقته بالشيخ محمد حسان، قال الفنان عمر كمال إنه قبل الشهر كان بيروح من المنصورة للسويس علشان يسجل خطب للشيخ محمد حسان ويبعها في مصر الشريط كان بيتباع بـ 3 جنيه وقتها، وقال كمان إنه بيحمد ربنا على إللي وصله خلال الفترة إللي فاتت، وكمان قال إن دلوقتي عنده 4 عربيات بفلوس كتير منهم واحدة تمنها 8 مليون جنيه.
وأما بقى عن خلافه مع الفنانة سمية الخشاب، قال المطرب عمر كمال، إنه شايف إن أغنيته مع سمية الخشاب منجحتش مع أنها جابت 16 مليون مشاهدة، وقال إن سمية أخلت بالخطة التسويقية إللي كانوا متفقين عليها، وإنه عاوز كل أغنية ليه تجيب الـ 100 مليون مشاهدة، علشان كده ده سبب خلافي مع الفنانة سمية الخشاب.
عن لقب مطرب المهرجانات، قال الفنان عمر كمال إن اللقب ده مش بيزعجه أوي، وقال إن ده يتوقف على رؤية الناس للمهرجانات، وضح يعني لو الناس شايفة إن المهرجانات دي حاجة كويسة يبقى بلقب مطرب المهرجانات دي حاجة كويسة، بس لو الناس مصنفها على إنها حاجة مش كويسة يبقى اللقب ده مش ححبه.
وقال إن في ناس كتير من النخب إللي ضد الأغاني بتاعتنا قدام التليفزيون وبيجبونا في أفراحهم وبيسمعونا، قال الناس دي عنها إنفصام في الشخصية، وفي ناس من النخبة محترمين معانا وبيدعمونا دايما وبيتكلموا عننا كويس أوي قدام إي حد.
وفي المقابل، غاب عمر كمال عن مؤتمر إللي عمله مصطفى كامل إللي اعلان فيه شروط مطربي المهرجانات، وده إللي قال فيه مصطفى كامل إن سبب غير عمر كمال عن المؤتمر هو إنه كان عامل عملية خطيرة في وشه، وقال مصطفى كامل إن عمر كمال كلمه فيديو وتأكد فعلا من إنه كان بيجري عملية جراحية.
وقال كمان مصطفى كامل إن غياب عمر كمال عن المؤتمر كان هيعرضه للإيقاف بس بسبب العملية إللي عملها في وشه مقدرش يجي.
دي بقى كل تصريحات عمر كمال المثيرة للجدل في أخر لقاء له، وفي النهاية انتظرونا في فيديو جديد وحكاية جديدة.
