أخبار الرياضة

مرتضى منصور يسخر من الخطيب ومفاجأة مدوية عن استقالته

فاكرينه ولى من أولياء الله الصالحين.. هذه أخر تصريحات مرتضى منصور وسخريته من الخطيب ،والكل يسأل عن السبب ولماذا قال له هذا الكلاام؟

شوف يا أخى مهما تحصل خناقات وخلافات فى الوسط الكروى بين مرتضى منصور وأطراف تانية،هنلاقى إن الخطيب وهو لابه ولا عليه طرف فى الأزمة أو الخناقة

هتلاقى كل أزمات الزمالك الفترة اللى فاتت سواء مع إتحاد الكرة أو لجنة الإنضباط أو حتى خلافاته مع اللاعبين الخطيب تحديدا طرف فيها بدون أى تصريحات منه .

تعالوا نشوف إيه اللى حصل ؟وليه منصور منشرش الفيديو اللى صوره فى خناقته مع مسؤولين الإتحاد؟مفاجأة أمير منصور قال إيه عن تصرف أبوه.

منصور قال مع كل قرار بياخده إدارة الزمالك نلاقى جماهير الفريق معترضة على عكس اللى بيحصل فى الأهلى ، فمهما الخطيب خد من قرارات نلاقى جمهوره بيعامله كأنه “ولي من أولياء الله الصالحين”.

طيب إيه اللى دخل الخطيب فى موضوعه مع إتحاد الكرة؟وجماهير الأهلى قالت الأزمة دلوقتى بين الزمالك وجمهوره ،لكن اللأهلى وجمهوره ملهوش علاقة!

كلنا تابعنا الفترة اللى فاتت خناقة مرتضى منصور مع إتحاد الكرة،والدنيا كانت مقلوبة ، بسبب ازمة قيد الصفقات الجديدة علشان الزمالك مدفعش جزء من المديونية.

إن الزمالك فشل في تسجيل صفقاته الجديدة بعد رفض تام من كل أعضاء اتحاد الكرة،وإن الصفقات دى مش هتحصل إلا بعد دفع الزمالك المديونية.

مرتضى منصور جاب أخره وقال إنه زهق وهيستقيل ،مش بس كده هيحل إتحاد الكرة كمان لإنه صور الخناقة اللى حصلت دى صوت وصورة وهينشرها ،ونزل فعلا منشور على صفحته بعد قليل وبعد نفاذ الصبر ننشر الفيديو الممنوع المصور من مقر الاتحاد يتضمن تفاصيل المؤامرة كاملة..

ولكنه حذف المنشور ده وقال السبب عدم تأكيد قيد ثلاثي الزمالك الجديد نتيجة عدم دفع المستحقات، وده اللى أثار الكلام الكتير حول مدى قانونية عملية القيد.

وأكد منصور أنه بعد نزول البيان تلقى اتصالات من مسئولين طالبوه بالتأجيل، خاصة وأن الفيديو اللى كان هينشره فيه فضيحة كبيرة تكشف عن مؤامرة ضد الزمالك.

وقال إنه إداهم مهلة يوم الخميس للتراجع عن موقفهم من منع قيد صفقات الفريق والا هيكشفهم.ودخلت اتحاد الكرة لوحدى ،ولو فى نيتى الشر كنت جبت 200 أو 300 واحد معايا لكن دخلت بدون فتوات أو بودي جاردات أو شوم.

منصور قال أنا رفضت إذاعة الفيديو الخاص بي في اتحاد الكرة لأني خايف على أعضاء الإتحاد،فى مهزلة بيقودها حازم إمام، وهقيد اللاعبين بالأدب لأن مش من حق اتحاد الكرة إيقاف قيد اللاعبين،وده من حق الفيفا بس.

منصور طالب جماهير الزمالك ميقلقوش ،وإن اللى بيحصل فى الوسط الكروى مهزلة ،هتنتهى بإيقاف النشاط الرياضي في مصر، وإنه هيبعت 5 مليون جنيه نقدى لاتحاد الكرة ،وهيتفرض حسن النية ، وليد العطار اعتذر لأمير مرتضى، ويوم الأحد هنبعت 5 مليون جنيه كمان.

منصور مصمم على الإستقالة وقال أمس اجتمعت مع وزير الرياضة وتحايلت عليه لمطالبته بقبول طلب استقالتي.

أمير مرتضى منصور. الأهلي وكل الأندية لديهم مشاكل مادية ومديونية و أطمئن الجماهير بأن اللاعبين تم وضعهم في سيستم اتحاد الكرة في الموعد القانوني وموقفهم الحالي تحت المراجعة.

أمير منصور قال اجتمعت مع جمال علام رئيس الاتحاد من 6 شهور والمديونية نزلت بعد المراجعة إلى 30 مليون جنيه فقط من أصل 70 مليون في مشوار واحد فقط،وإن الزمالك دولة فيها أمير مرتضى وزير خارجية وأحمد مرتضى وزير مالية..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى