شاركت هبة التركي أرملة لاعب نادي الزمالك السابق إبراهيم شيكا فيديو عبر حسابها الرسمي، استغاثت فيه بعد زعم مجموعة من الأشخاص وصناع المحتوى عبر منصة تيك توك للفيديوهات أن اللاعب إبراهيم شيكا لم يموت بسبب سرطان القولون وإنما لجأ إلى بيع أعضائه من خلال شبكات متخصصة لتجارة الأعضاء ما أودى بحياته.
أرملة لاعب نادي الزمالك إبراهيم شيكا تستغيث
وظهرت أرملة إبراهيم شيكا في الفيديو قائلة: الفيديو ده أنا بستغيث فيه بقالي يومين مش عارفة انزل من بيتي ولا أنا ولا حد من أهلي.. عيالي بدأوا يسألوني أسئلة غريبة ويقولولي هو بابا اتبرع بكليته قبل ما يموت، هو بابا مش كان عنده سرطان وكلام زي ده كتير ومن ساعة ما إبراهيم جوزي مات وأنا بسمع إشاعات عليا، وشتائم على التيك توك وكل السوشيال ميديا.
وتابعت: كل يوم بسمع كلام زي ده وأسوأ من ده أنا وعيالي مش عارفين نعيش خالص بسبب أن في ناس صناع محتوى كل يوم يطلعوا عليا إشاعة شكل، أنا مش عارفة انزل من بيتنا أخرتها الناس بتتكلم عني وتقول أي كلام ويرموا المحصنات وفي الآخر بيقولوا إني بيعت أعضاء جوزي طب ده كلام يتصدق حسبي الله ونعم الوكيل.
وخلال الأيام الماضية، زعم عدد من صناع المحتوى على السوشيال ميديا أن اللاعب إبراهيم شيكا لجأ لبيع أعضائه قبل وفاته وأن إصابته بـ سرطان القولون كذبة لجأت إليها زوجته.
