علقت الإعلامية مروة صبري، على انفصال شقيقتها الفنانة عبير صبري، مؤكدة أن ما لفت نظرها في إعلان انفصال شقيقتها أن النهايات أخلاق، والاحترام المتبادل بين الطرفين.
وقالت مروة صبري خلال برنامج «قعدة ستات»: «خبر محزن إني أقوله ومكنتش أتخيل أبدا إني أطلع أقوله، وهو خبر طلاق النجمة الجميلة عبير صبري وهي قبل ما تكون فنانة هي أختي، عبير كتبت خبر بدون أي تفاصيل ومحبتش تشارك الجمهور في أي حاجة».
كانت الفنانة عبير صبري، قد أعلنت رسميًا انفصالها عن زوجها المحامي أيمن البياع، وذلك بعد زواج دام 7 سنوات، مؤكدة أن الانفصال تم في أجواء يسودها الاحترام والتفاهم، وكتبت «صبري» عبر «انستجرام»: «أعلن انفصالي عن زوجي بعد 7 سنوات من العشرة الطيبة، وتم الانفصال بكل هدوء وتفاهم، أتمنى لكل منا التوفيق في حياته القادمة».
وقالت مروة صبري خلال برنامج «قعدة ستات»: «خبر محزن إني أقوله ومكنتش أتخيل أبدا إني أطلع أقوله، وهو خبر طلاق النجمة الجميلة عبير صبري وهي قبل ما تكون فنانة هي أختي، عبير كتبت خبر بدون أي تفاصيل ومحبتش تشارك الجمهور في أي حاجة».
تابعت: «أنا شهادتي مجروحة في عبير وهي بنتي كمان.. هي أختي الكبيرة ولكن أنا بتعامل معاها دايما أنها بنتي، من كتر ما أنا بحبها جدا وهي حتة مني وروحي.. اللي لفت نظري في اللي أنا قرأته أنه النهايات أخلاق، احترام ما بين الطرفين، في حاجة اسمها عشرة طيبة ومودة ورحمة ما بيني وبين طرف تاني فأنا بحترمه عمري ما شوفتها كتبت بوست بتشير فيه لأي مشاكل في حياتها».
وتحدثت عبير صبري، في تصريحات تلفزيونية سابقة عن زوجها، وقالت: «جوزي بيقعد شهور مش بيشوفني عشان شغلي، وهو علطول بيقولي ركزي في شغلك بس، وساعات بيبقى تعبان بيقولي أهم حاجة شغلك متركزيش في أي حاجة تاني، وهو علطول بيضحي عشاني وعشان شغلي»
