كشف طلاب بكلية علوم جامعة الزقازيق، تفاصيل واقعة وفاة طالبة إثر سقوطها من الطابق الرابع بالكلية، متهمين إدارة الجامعة بالإهمال في التعامل مع الواقعة
وأكد الطالب “أ. ع”، في تصريحات صحفية أنه كان يقف مع عضور هيئة تدريس بالجامعة للاستفسار عن معلومة بالمنهج، وفجأة رأى شيئا يسقط وحدث صوت كأنه انفجار.
وأضاف أنه على الفور توجه لمصدر الصوت وذهل بمجرد رؤية الطالبة ملقاة على الأرض والدم يغطي ملامحها، مؤكدًا أن المنظر كان مرعبا.
وأضاف: “أنا المنظر لحد دلوقت لسة متخيله قدام عيني كأنها لسة على إيديا، أنا حتى لو أعرف البنت مش هتعرف عليها من كتر ما الدم كان مغرقها وبتنزف بشكل مش طبيعي من كل مكان رأسها وأنفها وفمها”.
سقوط الطالبة روان من مبنى كلية العلوم بجامعة الزقازيق
وأوضح: “جريت عليها حاولت أساعدها الدم كان كتير، طالب قلع التيشيرت وربطه على راسها علشان يوقف الدم وزميلة معانا كانت بتحاول توقف الدم من فمها وأنفها بالمناديل ولكن النزيف مكنش بيقف”.
وتابع: “طلبنا حد يكلم الإسعاف بسرعة محدش اتحرك، دكاترة الجامعة اللي وقفوا مشيوا وسابونا، وفي قالوا لينا ملناش دعوة اطلبوها انتو، وإحنا نتصل بالإسعاف يقولوا عارفيه وجايين ومش بييجوا، نص ساعة لحد ما حد جه، رغم إن مستشفى الجامعة بينا وبينها دقيقة مشي يعني مفيش أي داعي للتأخير”.
حاولنا ننقذها
وأكد أن سيارة الإسعاف لم تأت قبل نصف ساعة من سقوط الفتاة وكان النبض يقل وتتنفس بصعوبة، قائلا: “الدكاترة كانوا بيقولوا شيلوها إنتو ودوها المستشفى إحنا حاولنا ننقذها بس خوفنا نشيلها نحركها حركة تموتها لأنها كانت في حالة صعبة أوي”.
لم يحضروا نهائيًا
وأضاف أن رئيس الجامعة ونائبه لم يحضرا نهائيًا تفاصيل الواقعة ولم يأت أحد طوال النصف ساعة، لافتا إلى أن سيارة الإسعاف جاءت بالسائق فقط ولا يوجد بها مسعف أو طبيب.
وتابع: “السواق اللي جه رفض يشيلها ويقول ماليش دعوة وجاي بهدوء ولا كأنه بيتمشى بالعربية مش جاي ينقذ روح، اضطرينا نشيلها إحنا ونحطها على النقالة وندخلها العربية”.
وأشار إلى أنه بمجرد الوصول إلى المستشفى، كان الاهتمام بجمع البيانات عنها والوصول لأهلها، ولم يهتموا بإنقاذها أولا، وحتى لا ييتحملوا أي مسؤولية حتى لفظت الفتاة أنفاسها الأخيرة بسبب التقصير في حقها.
الجامعة مسحت آثار الواقعة
وقال الطالب: “الجامعة بعد ما البنت راحت المستشفى مسحت آثار الواقعة، ورفضوا يدخلونا علشان نعرف بيانات البنت، وفي واحد كان بيصور الدم اتحاد الطلبة مسكوه ضربوه، أنا مش مصدق اللي شوفته النهارده، إزاي إحنا مسؤولين من الإدارة دي”.
