تفاصيل حبس المخرج معتز التوني وما حدث بفرح ابنة شقيقه

في ثاينة تبدل الحال والفرح تحول لخناقة واهل العروسة ذهبوا إلى القسم ،هذا باختصار ما حدث فرح إبنة اخو المخرج والممثل معتز التوني .

والليلة بدأت بداية وحشة لدرة ان الفرح كان هيبوظ والعروسة انهارت لما لقت عمها عمل مشكلة كبيرة وخدوه على القسم
ايه اللي حصل ؟ والمخرج معتز التوني اتخانق مع مين وعمل ايه في القسم ؟

معتز التوني كان بيستعد هو وعيلته عشان فرح بنت اخوه ، وراحوا الفندق اللي هيتعمل فيه الفرح في وسط البلد ، وقبل الفرح بكام ساعة اتخانق معتز مع شاب ومسكوا في بعض والموضوع زاد عن حده

معتز قال ان الشاب ده عاكس بنت اخته ، وطبعا هو مسكتش وقام اتخانق معاه وكان هيضربه ، وقامت الخناقة والدنيا اتقلبت والفندق كله اتلم عليهم ، وهوبا خدوهم على القسم وعملوا محضر

وانتشرت صورة للمخرج معتزل التاني وهو داخل القسم ولابس شورت وشبشب ، وراحوا هما الاتنين وكل واحد قال اللي عنده ، والشاب ده اتهم المخرج انه اعتدى عليه واتهمه بالتحرش ببنت اخته وكمان محاولة سرقة تليفونها

وفضلوا الاتنين في القسم كذا ساعة والوقت بيعدي وبقية عيلة معتز التوني في الفندق قاعدين على اعصابهم عشان فرح البنت اللي بيبوظ ده ، ولا عارفين هيملوا الفرح ولا ايه اللي هيحصل مع عمها المخرج بعد ما حصل اللي حصل
لكن فجأة لقينا خبر حبس معتز التوني 4 ايام على ذمة التحقيق ، والدنيا كبرت اوي الفرح باظ والصور والخبر انتشروا بسرعة البرق ان المخرج معتز اتحبس ليلة فرح بنت اخوه.

ولما الموضوع وصل لحبس 4 ايام ، مكنش قدامهم غيرالتصالح عشان القصة دي تخلص بسرعة ، وتقريبا كدا معتز التوني حس ان فرح بنت اخته بيبوظ بسببه وانها مكنش يعني لازم يتخانق مع الولد ده ويضربه فوافق على التصالح والموضوع خلص وتم اخلاء سبيلهم هما الاتنين ، ورجع معتز جري على الفندق عشان يلحق يكمل فرح بنت اخته

وبعد شوية انتشرت صور للمخرج معتز التوني وهو لابس البدلة بقى ومتشيك وبيرقص مع العروسة ولا كأنه كان في القسم قبلها بساعة ، والدنيا اتلمت على خير وكملوا الفرح الي طلع تريند بسبب اللي عمله عم العروسة معتز وكانت صورته مالية السوشيال ميديا وهو في القسم بالشبشب ، لكن الحمدلله اتلمت

معتز التوني ده بقى مخرج واحد من اهم المسلسلات الكوميدية اللي الناس كلها بتحبها وهو مسلسل اللعبة بكل اجزائه ، واللي حقق نجاح كبير جدا ويعتبر من اهم واحلى الحاجات اللي عملها المخرج معتز

هو ظهر في كذا دور من اعماله ، يعني حب الناس تشوفه وتعرف مين هو المخرج صاحب العمل ده فكان بيظهر في ادوار ثانوية بسيطة لكن الناس حبيته خاصة وانه دمه خفيف وكل الحاجات اللي اشتغلها كانت كوميدية

واشهردور عمله كان شكري السيد في فيلم زكي شان مع احمد حلمي وياسمين عبدالعزيز ، وقدر يجمع بين تجربة التمثيل اللي نجح فيها والناس حبته ، وكمان الاخراج اللي طلع شاطر جدا فيه وقدملنا اعمال كتير مهمة وكلنا بنحبها منها فيلم سمير وشهير وبهير ، وجحيم في الهند وكلب بلدي وابن الحاج احمد ، وكمان مسلسلات كتير منها لهفة وهربانة منها وكابتن أنوش وربع رومي، وطبعا باين جدا انه الراجل ده حياته كلها كوميدية وبيحب الهزار والضحك وكل الاعمال اللي اخرجها بتدور في اطار كوميدي

كمان معتز التوني ده تجمعه صلة قرابة مباشرة بالإعلامي عمرو الليثي ، اللي يبقى جوز اخته ، وعشان كدا شوفنا ابن عمرو الليثي في مسلسل اللعبة اللي كان عامل دور عصفورة في فريق ماظو ، طبعا ما المخرج خاله بقى ، بس فعلا عمل الدور حلو والمسلسل كسر الدنيا

المخرج معتز التوني متجوز واحدة من خارج الوسط الفني لكن هو مش بيحب يخلي حياته على الملأ ، ومش بيشارك الناس حاجة عن حياته الخاصة تماماحتى الناس متعرفش مين هي مراته

السؤال الاهم بقى دلوقتي لمعتز التوني .. امتى الموسم الخامس من مسلسل اللعبة بعد سيزون دوري الأبطال؟