تداول مستخدمي مواقع التواصل الاجتماعي صور لـ طوابير المواطنين المصريين ، أمام صالتي عرض بي إم دابليو و ميني بالقطامية، أعلى الطريق الدائري، لحجز سيارات بي إم دابليو، في أول أيام فتح الحجز عليها.
على الرغم من الأزمة الإقتصادية التي يمر بها العالم في وقتنا الحالي، أثارت انتشار صور إقبال المصريين على شراء السيارات الأعلى سعرًا، حالة من الجدل الواسع مع موجه من الغضب عبر السوشيال ميديا.
قال رواد مواقع التواصل الاجتماعي :” دي طوابير حجز سيارات BMW فرع القطامية.. لاحظ ان بداية السعر مليون و119000 جنيه…. دي الصورة اللي بتوصل…. والناس دي عاوزة بنزين مدعم وغاز مدعم وتموين رز وسكر وزيت…. طيب حط نفسك نكان صناع القرار لما دي طوابير الحجز في بي ام دبليو”.
بينما قال أخر :”توكيل سيارات بي إم دبليو قفل في مصر من سنتين ولحد من شهر فات مكانش في توكيل بيبيع سيارات بي ام في مصر لحد ما اعلن وكيل بي ام دبليو في الكويت انه هياخد توكيل بي ام دبليو في مصر وهيرجع العلامة لمصر تاني بإستثمارات ١٠٠ مليون دولار وأعلن فتح باب الحجز على السيارات ابتداء من يوم ٣ ديسمبر ٢٠٢٢ وفعلاً النهاردة الصبح اتفتح الحجز لكن المفاجأة بقى إن قبل الساعة ٣ النهاردة كان الحجز اتقفل تاني وتم حجز جميع السيارات المتاحة لدى التوكيل في نص يوم وناس كتير راحت ورجعت ملحقتش تحجز
مع العلم ان اسعار السيارات تبدأ من مليون إلي حوالي ٧ مليون”.
جدير بالذكر تتراوح أسعار سيارات بي إم دابليو الجديدة من 995 ألف جنيه إلى 6 مليون و650 ألف جنيه، بينما تتراوح أسعار سيارات ميني الجديدة من 790 ألف جنيه إلى مليون و298 ألف جنيه
