كشف خال سارة حمدي، ضحية والدها الذي حبسها وجوعها حتى الموت داخل منزلهم بقرية خزام التابعة لمركز قوص في محافظة قنا، تفاصيل جديدة عن الواقعة.
وقال خال سارة، البالغة من العمر 20 عاما، ضحية تجويع والدها بقنا، ، إن سارة كانت تعيش في البداية مع جدتها والدة أمها، وكان والدها لا يُنفق عليها.
خال سارة حمدي ضحية التجويع على يد والدها في قنا: كان مسافر ورجع لقاها بتموت سابها وطلع ينام
وأضاف خال سارة حمدي: لما كبرت والدها قال أنا عايز بنتي، وكانت بتروحله يضربها تهرب من عنده وترجع، والدها طلبها بعد ما كبرت تاني وقال عاوزها تعيش معايا وإحنا مقدرناش نمنعها عنه لإن من عاداتنا إن البنت لما تكبر تبقى تبع والدها.
وواصل: آخر سنة حاولنا نتواصل معاها وأمها حاولت تشوفها لكن أهله كانوا بيقولوها هي كويسة ويطمنوها، مكناش نعرف أنه حابسها في البيت ولو نعرف كنّا روحنا خدناها.. والداه كان مانع عنها الأكل وحاول يخفي جريمته بعد ما ماتت وميقولش لحد.
واستكمل: آخر أيامها كان مسافر 15 يوم وإما رجع لقاها بتطلّع في الروح قفل عليها الباب تاني وطلع ينام، وكان مانع عنها التليفونات ومحدش كان بيعرف يتواصل معاها ولا يوصلّها، ووالدها سبق وشكك في عذريتها وماتت والمصحف في إيدها.. اتفاجئنا باللي حصل ومكناش متوقعين.. والدتها تعبانة نفسيا ومتأثرة جدا وإحنا بنطالب بحق سارة.
