الصلح خير…عودة الصداقة بين نوال الزغبي وشيرين عبد الوهاب بعد حفل دبي

تعالو نرجع بالزمنللخلف، حوالي 6 أو 7 شهور وقت خلافات شيرين عبد الوهاب وحسام حبيب، والأزمة الكبير التي تعرضت لها، ووقتها ساندها العديد من الفنانيين ولكن بعد عودتها لحسام حبيب ابتعد عنها الكثير من الفنانين أيضا.

لا وكمان لغوا متابعتهم ليها… و أسبابهم مكانتش منطقية .. زي نوال الزغبي .. اللي ظهرت فجأة امبارح تاني في حياة شيرين .. طب بعدتي ليه و رجعتي ليه .. ده اللي هنتكلم فيه

سنة ٢٠٢٢ كانت سنة فيها أحداث كاس. في حياة شيرين عبد الوهاب .. أزمات وخلافات و طلاق و رجوع ودخولها مصحة و خروجها .. و فضايح .. و كلام كتير عاشت فيه هي و حسام حبيب ..

و من بداية أزمتها مش بس الجمهور اللي كان بيدعمها … لا كان في فنانين كتير بيدعموها .. و كانوا دائما بيبينوا ده .. سواء بقى من بوست على السوشيال ميديا .. ولا أما يتسألون في أي انترفيو .. بيدافعوا عنها .. و اللي هو احنا معاكي يا شيرين.

بس أما شيرين قررت انها هترجع ل حسام حبيب .. و إن ديه حياتها و محدش يتدخل فيها .. مش بس جزء من اللي بيحبوها في الجمهور بعدوا عنها .. لا في فنانين بدأوا يلئحوا عليها بالكلام ..

و في منهم اللي لغى متابعته ليها على السوشيال ميديا بتاعتها .. سواء بقى انستجرام ولا تويتر أو حتى الفيسبوك..زي مثلا الفنانة نوال الزغبي .. و اللي كانت دائما بتعمل ليها كومنتات على أي بوست ينزل عندها… و كانت صداقتهم قوية ..

بس فجأة نوال لاغت متابعتها على كل حسابتها .. و أما اتسألت قالت كنت بتابعها و بقولها نصايح بعملها لنفسي .. لكن فجأة مبقاش في أي تواصل بيني و بينها … ومش عارفة مين اللي عمل كده .. ولا حسام حبيب و رجوعها ليه السبب … بس أنا قررت إني ألغي متابعتها .

مش بس كده .. ده في أول حفلة كانت ل نوال الزغبي في الامارات .. وقفت الفرقة الموسيقية اللي معاها .. و قالت للجمهور الأغنية اللي جاية ديه .. الست القوية اللي عندها كرامة .. ناس كتير وقتها قالوا انها تقصد شيرين .. و انتشر الكلام ده على السوشيال ميديا .. و نوال لا قالت أه و لا قالت لا ..

طبعا ناس كتير وقتها مصدقوش مبرر نوال الزغبي انها تقطع مع شيرين .. بس محدش قال ان فيهم حد غلطان .. لكن نوال الزغبي رجعت تنكش شيرين تاني ..

و ده من بعد حفلة شيرين في دبي .. و رجعت تعمل ليها كومنتات تاني .. ونزلت بوست في حب شيرين .. و إنها كانت مشتاقة ليها هي و الجمهور … وإن مش بيقع الا الشاطر .. و عين و صابتك يا قمر ..

محاولة نوال لسه مابنتش نتايجها لحد دلوقتي .. بس خدي بالك يا نوال شيرين و حسام بيسيبوا بعض و بيرجعوا أكتر ما بيظهروا على السوشيال ميديا.. فانتي موقفك ايه .. هتفضلي مع عين و صابتك يا قمر .. ولا هترجعي تقولي أنا بغني للست اللي عندها كرامة ؟!