عرض برنامج مصر تستطيع المعروض على قناة DMC، فيديو من داخل ستوديو برنامج صاحبة السعادة الذي تقدمه النجمة الكبيرة إسعاد يونس، يرصد عودتها لاستئناف تصوير حلقات جديدة للبرنامج، بعد مرورها بأزمة صحية أبعدتها لمدة 47 يوما تقريبا.
إسعاد أعادت نشر الفيديو على فيسبوك، وعلقت “شكر واجب إلى كل من سأل عني ودعا لي دعوة من القلب وطبطب على قلبي، ربنا يخليكم ليا واحد واحد يا كل الحب“.
ظهرت في الفيديو مُحاطة بفريق البرنامج، ممسكة بعكاز يساعدها على الحركة، وهي تشعر بالسعادة كما ردت على هتافهم “بنحبك يا إس إس” بمحاولة الرقص بالعكاز.
وقالت إسعاد في الفيديو: “الحمد لله بطمن الناس كلها غطتوني بكل حب ووحنان ودعا وسؤال ورعاية صعب الواحد يحصر المحبة دي كلها، فترة صعبة محنة وخلت الواحد يحس بالناس اللي بتمر بمحنة ويكون قريب اكتر”، مضيفة “الموضوع عايز إرادة وتقبل ومنستسلمش وعايزة أقول للي سنهم كبروا مهم انك ترفع رجلك أطول من السلم، وقعت على عضمة الحوض وانكسر وتم زرع مفصل صناعي مكان الحوض المكسور، ولازم نخلي بالنا من حركتنا صغير أو كبير“.
وتابعت إسعاد “الكرو علاقتي بيهم صعب تقول عليها علاقة زمالة في الشغل بقالنا 8 سنين علاقة العاشق والمعشوق كلنا مرتبطين ببعض، عشرتنا مع بعض بناكل مع بعض وننجح مع بعض، مسابونيش ولا دقيقة بيسألوا ومتواجدين حواليا صعب تلاقي ده في حتة تانية، ربنا حباني بجمهور ولا تعليق واحد طعمه كان مش حلو أو دمه تقيل الناس كلها طيبة وحنونة بتدعيلي باستمرار“.
