نشرت الفنانة شيماء سيف ، عبر حسابها الشخصي بموقع تبادل الصور والفيديوهات إنستجرام، مقطع فيديو لها صورته عبر تطبيق «سناب شات» لتوجه من خلاله رسالة للفتيات النحيفات.
ورافقت الفيديو بهاشتاج «إرفسيهم قبل مايفرسوكي»، وقالت: «لما تقابلي واحدة تقولك إنتي تخنتي كده ليه؟.. قوليلها أصلي نضيفة مفيش في بطني دود بياكل أكلي».
وكتبت شيماء تعليق على الفيديو: «والكلام ده للرفيعين الرذلين قللات الذوق.. لكن الرفيعين المؤدبين ميزعلوش مش هنقولهم حاجة».
وتفاعل مع الفيديو الآلاف من متابعي شيماء، وعقبت بعض الفتيات النحيفات عليه قائلين: «أنا رفيعة كل شوية حد يشوفنى اى ده انتى خسيتى اوى شكلك بقى وحش مش المليانين بس اللى بيعانوا ياشيموووز»، «طيب انا رفيعه… ارد عليهم اقلهم ايه ؟؟ بليييز ردي شيما جبلنا حقنا احنا كمان».
وقال آخرون: «طب والتخان البيجوا يقولوا تخنتي كده ليه..دول بقي يتقال لهم ايه وهما اصلا اتخن من ال بيقولوله تخنت كده ليه»، «إنتي كده حلوه سيبك من الغيرانين والعندهم غل منك».
وتشارك شيماء سيف النجم يحيى الفخراني في بطولة مسلسل «بالحجم العائلي» والمقرر عرضه في موسم رمضان القادم، مع النجوم: ميرفت أمين، ندى موسى، شيماء سيف، يسرا اللوزي، محمد مهران، ركين سعد، أحمد مجدي، ديانا هشام، عمر حسن يوسف، وهو من تأليف محمد رجاء، وإخراج هالة خليل.
شاهد أيضًا:
رد غير متوقع من نبيل الحلفاوي على استفزاز شيكابالا لجمهور النادي الأهلي.. صورة
